Bydd cynrychiolwyr o wahanol gymdeithasau yr oedd Geoff yn aelod ohonynt yn cyfrannu at y noson. Wrth gwrs bydd hyn oll yn gymysg â thwmpath. Yn ôl yr arfer, noson a fydd yn addas ar gyfer pob oed ac yn diweddu efo ymweliad y Fari Lwyd.

Darperir tatws trwy'u crwyn efo gwahanol lenwadau ynghyd â danteithion eraill. Bydd elw'r noson yn cael ei roi er cof am Geoff. Os am docyn neu ragor o wybodaeth ffoniwch Frances 01352 756606 neu unrhyw aelod o Ddawnswyr Delyn.

Bydd y Fari yn ymweld â gwahanol dafarndai yn yr ardal rhwng y Nadolig a'r flwyddyn newydd. Mae manylion y daith ar hyn o bryd yn cael eu trefnu ond mae'r daith yn debygol o fod rhwng yr Wyddgrug a Threffynnon. Felly cadwch eich llygaid ar agor.

Cofiwch os am golli pwysau yn y flwyddyn newydd be am ymuno â dawnswyr Delyn rydym yn ymarfer bob Dydd Llun yn Neuadd yr Eglwys am 8.00.