| Heddiw mae'r antur fawr yn dechrau fel mae hi'n hedfan o Faes Awyr Gatwick yr holl ffordd i Buenos Airies, Yr Ariannin. Wedyn mewn awyren llai ei maint i Drelew, Patagonia ac ymlaen wedyn i Esquel wrth droed yr Andes lle bydd Clare yn dysgu Cymraeg i'r brodorion o bob oed am y naw mis nesaf. Yn cadw cwmni i Clare hyd at Trelew fydd Angharad Rowe o Abertawe fydd yn dysgu Cymraeg yn ardal Trelew. Fyddan nhw yn Y Wladfa dan nawdd Dolen Cymru Ariannin, Y Cyngor Brydeinig, Y Cynulltiad Genedlaethol a Phrifysgol Caerdydd sydd wedi noddi'r cynllun er 1997. Er tyfodd Clare i fyny mewn cartref di Gymraeg, hi oedd enillydd cyntaf Tarian Goffa Jennie Eirian fel dysgwr y flwyddyn, tra yn ddisgybl yn Ysgol Castell Alun ym 1984. O Gastell Alun aeth ymlaen i Brifysgol Aberystwyth ar gwrs gradd yn y Gymraeg i gan raddio ym 1986. Wedi dilyn cwrs hyfforddi athrawon cafodd swydd fel athrawes 'nol yn ei hen ysgol am y ddeng mlynedd diwethaf Clare oedd Penaeth yr Adran Gymraeg. Ond rhaid oedd iddi ymddiswyddo i gymryd y sialens o'r swydd yn Y Wladfa. Dymuniadau gorau i Clare ar ei hymweliad i'r Wladfa. Edrychwn ymlaen at glywed hanesion difyr pan ddaw hi 'nol. .
 | 
