Cynhelir yr ŵyl eleni rhwng Hydref 10 a 14 mewn amryw leoliadau yn yr ardal. Meddai David Martin, cadeirydd yr ŵyl, "Trwy nawdd gan Cadwyn Clwyd, rydym wedi medru ehangu'r ŵyl i gynnwys mwy o gymunedau yn ardal Moel Famau.

Yn gynharach yn y flwyddyn fe drefnwyd taith gerddorol o gwmpas yr ardal i holi barn pobl am y syniad o gynnal Gŵyl Fama ac rwy'n falch o ddweud bod 95% o'r bobl a holwyd o blaid y syniad. Rydym yn gobeithio bod yr arlwy a gyngir gennym eleni yn adlewyrchu nifer o'r gweithgareddau celfyddydol roedd pobl yr ardal yn awyddus i'w mynychu."

Mae'r ŵyl yn dwyn atgofion braf am Eisteddfod Sir Fflint a'r Cyffiniau gydag ymddangosiadau gan Robin Lyn Evans, enillydd y Ruban Glas, Côr Hyn Sir y Fflint, cerddorion Ensemble Cymru a'r canwr ifanc Steffan Rhys Hughes.

"Dwi'n gwybod bod nifer o ddarllenwyr Papur Fama rhy brysur yn gwirfoddoli adeg yr Eisteddfod i fynychu'r cyngherddau, mae croeso mawr iddynt felly ddod i fwynhau'r artistiad fel rhan o Gŵyl Fama" meddai David Martin.

Ceir mwy o wybodaeth am y rhaglen drwy ffonio: Nia Lynn Jones ar 01352 754212 neu trwy ddilyn y linc isod i wefan yr ŵyl.