| Fe gyrhaeddodd 80 o bobl y Savoy (dim llwyfan, dim awyrgylch, ond llawr i ddawnsio - jyst) i weld dau grwp a DJ. Y grwp cyntaf i ymddangos oedd Manchuko. Maen nhw'n dod o Ddinbych ac mae ganddyn nhw lawer o ganeuon da - llawn o bethau diddorol a hit sections. Dylanwadau amlwg Mae'r dylanwadau arnyn nhw'n amlwg - Radiohead a Jeff Buckley a thipyn bach o REM. Mae'r canwr yn swnio fel cyfuniad o Jeff Buckley a Tom Yorke tua 1995, yn enwedig ar y rhannau falsetto. Ar y cyfan, roedden nhw'n grêt fel grwp oedd yn cefnogi'r prif grwp gan eu bod nhw'n swnllyd a phroffesiynol. Anodd bywiogi'r dyrfa Ymddangosodd DJ Ian Cotrell rhwng perfformiadau'r ddau grwp. Fe chwaraeodd ef gerddoriaeth ddawns mainstream, ond roedd bywiogi'r dyrfa yn dasg anodd - roedd y llawr yn wag tan yn hwyrach yn y nos. Magic Alex oedd yn perfformio nesaf. Maen nhw'n dod o'r Wyddgrug ac yn swnio fel y Stereophonics. Mae nhw'n dynn iawn ond weithiau roedden nhw'n undonog - roeddwn i eisiau mwy o amrywiaeth drwy'r set. Sut bynnag chwaraeodd y grwp fersiwn o There is a light that never goes out gan The Smiths a chyn bo hir roedd yna bobol yn dawnsio! Felly roedd hi'n noson dda a rhad hefyd - tair punt am dair act!
 | 
