Yn yr ail safle roedd Band Porthaethwy gyda Seindorf Tref Rhyl yn drydydd.

Er gwaethaf y fuddugoliaeth a llawenydd bu cyfnod o dristwch yn hanes y band yn ddiweddar pan gafwyd profedigaeth o golli aelod annwyl Terry Parry ar ôl gwaeledd hir a blin.

Brodor o 'Stiniog ydoedd ond wedi ymgartrefu yn Llandudno ers rhai blynyddoedd. Cafodd aelodau'r Seindorf y fraint o chwarae yr emyn don 'Deep Harmony' ar lan y bedd ddiwrnod ei angladd. Cydymdeimlwn yn fawr gyda'i wraig Minette a'r teulu a'u holl ffrindiau.

Ar Sul y Cofio eleni bu'r band allan yn gwasanaethu fel arfer ac fe anrhydeddwyd Dafydd Noel Jones gan y Lleng Brydeinig. Cyflwynwyd tystysgrif hardd iddo fel arwydd o werthfawrogiad am flynyddoedd o wasanaeth yn chwarae y 'Last Post' yn ystod y gwasanaethau.

Eleni mae Cyngerdd Nadolig y band yn cael ei gynnal ar nos Iau Rhagfyr 20fed yn Eglwys Dewi Sant, Blaenau Ffestiniog. Ein gwesteion eleni ydy Côr Bro Gwerfyl o dan arweiniad Margaret Edwards. Maent yn brysur gneud enwau iddynt eu hunain fel côr o leisiau ifanc o safon. Fe lansiwyd CD ganddynt yn ystod yr haf gyda chanmoliaeth uchel o bob cyfeiriad. Edrychwn ymlaen i'w croesawu i Stiniog i ddathlu'r Nadolig.