Un o'r syniadau oedd ceisio hybu pryniant nwyddau Masnach Deg ymhlith aelodau'r capeli, ac un ffordd o wneud hyn oedd dod a'r nwyddau'n uniongyrchol atyn nhw.

Dechreuwyd cyn y Nadolig gyda Bore Blasu ble cafodd aelodau'r Ysgol Sul, o'r ieuengaf i'r rhai hyn, gyfle i brofi gwahanol nwyddau fel coffi, sudd ffrwythau, sioc1ed, myffins, bisgedi a.y.y.b.

Roedd hyn yn fodd o godi ymwybyddiaeth a galluogi pobl i wneud dewisiadau yn y dyfodol.

Dros y Nadolig bu'r bobl ifanc yn derbyn archebion cardiau Nadolig, anrhegion a bwydydd ac yna'n eu dosbarthu ymhlith ffrindiau a rhieni , a gwnaed yn agos i £500 yn ystod y tymor.

Dyma'r ail waith i'r dosbarth gynnal siop yn ystod yr Ysgol Sul ac mae wedi bod yn llwyddiannus iawn, gyda chefnogaeth o blith Y plant, dosbarth hyn yr Ysgol Sul a'r rhieni.

Y tro hwn gwnaethpwyd £104.65 o fewn y tri chwarter awr.

Mae cyfle i brynu pob math o nwyddau, e.e. papur cegin, siocled, pasta, olew olewydd, te a choffi, mel a grawnfwyd, yn ogystal ag archebu nwyddau o'r catalog nad ydynt ar gael ar y diwrnod.

Gobeithia'r dosbarth ei wneud yn ddigwyddiad rheolaidd yn y dyfodol ac maent i'w canmol am eu brwdfrydedd a'u ffyddlondeb.