OND, dydy pethau ddim drosodd eto! Mae'r BBC dal yma! Mi fydd y siop ar agor tan diwedd mis Awst. I beth? Dewch draw i weld!

Ydach chi awydd gwers ar yr hen gyfrifiadur 'na? Eisiau deall beth ydy'r holl son am y We! Am weld hen luniau o'r Blaenau ar safle lleisiau? Mae 'na gymorth ar gael.

Neu beth am eistedd am ychydig a mwynhau pictiwrs go iawn yn y Siop? Mae 'na lu o fideos yno i blant, o'r Teletubbies i'r Tweenies. Piciwch draw am lonydd!

Ond nid pictiwrs i blant yn unig sydd yno. Dewch i weld ffilmiau byr gan rai o gymeriadau'r ardal yn son am Chwarel Rhiw Bach, am blu Stiniog ac am blant heddiw. Maen nhw'n werth i'w gweld.

Mi fydd Owain a Dylan yn y Siop yn darlledu'n fyw ar b'nawn Mercher a Iau. Ewch i'w gweld gan gofio mynd â chais iddyn nhw.

Ac yn olaf, mi fydd Radio Bro Blaenau ar yr awyr bob nos Fercher o 6:30 - 8:00 yn darlledu newyddion lleol, cyfweliadau a gemau. Cofiwch wrando!