'Fe'i harweinir yn eithriadol o dda ac mae'n darparu addysg sydd o ansawdd uchel iawn' meddai'r tîm o arolygwyr a arweiniwyd gan Terry Lynn Williams yn ystod mis Chwefror 2009.

Meddai'r Pennaeth, Mrs Carys E Jones, 'Rwyf yn hapus dros ben fod barn ddiduedd ar y safonau dysgu ac addysgu a'r holl agweddau eraill sy'n rhan o ethos, gweinyddiad a rheolaeth yr ysgol, wedi cadarnhau ein hunan arfarniad ar y safonau o fewn yr ysgol.

Rydym bob amser yn anelu i ddarparu'r addysg orau i bob unigolyn gan gynnig profiadau cyfoethog, eang a heriol i'w datblygu'n gymeriadau dwyieithog, hyderus a chrwn, a hynny mewn awyrgylch llawn gofal.'

Roedd Cadeirydd y Llywodraethwyr, Dylan Richards, yn hynod falch o'r adroddiad ardderchog. Meddai: 'Roeddwn i'n gwybod ei bod hi'n ysgol dda, yn ysgol gwerth chweil a dweud y gwir, ond mae'n wych i gael arbenigwyr o'r tu allan yn cadarnhau'n barn ni.

"Rwyf yn arbennig o falch o weld yr ysgol yn cael ei disgrifio fel un ag ethos teulu oll le mae'r pennaeth, yr athrawon a'r staff cynnal yn adnabod y disgyblion yn arbennig o dda ac yn darparu gradd ragorol o gymorth personol ac arweiniad ar eu cyfer.

Hoffwn ddiolch i holl staff yr ysgol, y tîm cyfan, gan gynnwys y Llywodraethwyr a'r rhieni, am eu hymroddiad i'r plant ac i roi safon uchel o ddysg yn y Manod.'

Mae 82 o ddisgyblion yn mynychu'r ysgol ac fe'u haddysgir gan 4.5 o athrawon. Daw 63% o'r plant o gartrefi lle siaredir y Gymraeg.