Croesawyd hwy gyda swper yn y festri a nifer fawr o aelodau'r Ofalaeth yn eu croesawu. Cawsom eitemau cerddorol ganddynt ac un ferch a llais gwefreiddiol ganddi. Meddyliwch eu bod yn medru canu Cytgan yr Haleliwia ar lan y bedd yn Abergele a hynny'n ddi-gyfeiliant. Bu eraill o'n plith ninnau yn cyfrannu eitemau.

Treuliasant nos Sadwrn mewn gwahanol gartrefi'n yr ardal. Bore Sul cawsom eu cwmni yn yr oedfa a bu iddynt gymryd rhan eto.

Maent yn ddiolchgar iawn am aberth ein cenhadon yn myned allan yno. Cywilydd arnom ni sydd mor ddibris o'r trysor sydd o fewn ein gafael. Roedd eu cael yn hwb i ninnau. Diolch am gael eu cwmni, er mai byr oedd eu harosiad.

Dymuniadau gorau i'n gweinidog, y Parch Meirion Morris, sy'n cychwyn ar dymor gyda'r Annibynwyr. Boed bendith Duw ar ei genhadaeth yntau. Bydd yn dal i weinidogaethu'n rhannol yn yr Ofalaeth.