| Bu Neuadd y Dref, Dinbych yn gartref i nifer o gyngherddau roc dros y blynyddoedd, ac fe gynhaliwyd sawl eisteddfod bop yno yn y saithdegau. Roedd yr adeilad yn atseinio unwaith eto i sŵn bandiau pan gynhaliwyd Brwydr y Bandiau fis diwethaf. Trefnwyd y noson gan Menter laith Dinbych/Conwy ar y cyd â'r Urdd, a rhaid diolch i staff y ddau fudiad am eu gwaith yn trefnu'r noson. 'Maharishi" -oedd y band gwadd, ac aelodau y band hwnnw oedd yn beirniadu'r gystadleuaeth rhwng y bandiau ifanc. Lisa Gwilym o Henllan, un o'n cyflwynwyr ifanc disgleiriaf yn y cyfryngau Cymraeg oedd yn cyflwyno ar y noson. Daeth nifer o fandiau yno i gystadlu gyda'i cefnogwyr - ac ambell hen rocar o riant oedd yn cofio'r cyngherddau tebyg a gynhaliwyd yno yn y gorffennol pell! A'r enillwyr oedd ...
Daeth cynulleidfa o dros 100 i gefnogi'r bandiau ac fe gafodd pawb y cyfle i bleidleisio am eu hoff fand, ond Maharishi oedd â'r bleidlais olaf. Misticuffs Ysgol Brynhyfryd oedd y buddugwyr gyda Drws Cefn, band o Ysgol Glan Clwyd yn ail agos iawn. Derbyniodd yr enillwyr docyn anrheg gwerth £50 ar gyfer y Rhyl Sound Center a'r cyfle i chwarae gyda Maharishi mewn gig yng Nghlwb Rygbi Rhuthun y noson ganlynol. Noson gwerth chweil - ac mae edrych ymlaen yn arw at y nesaf
 | 
