Mae'r band yn cynnwys saith o gerddorion ifanc deinamig ac mae eu hegni a'u steil wedi creu argraff ffafriol iawn ar gefnogwyr salsa trwy Brydain ac Ewrop.

Mae enw'r band yn deillio o gyfarchiad a ddefnyddir gan y sect Afro-Ciwbanaidd, Abakua, sy'n golygu cyfaill, ac a ddefnyddir ar dafod leferydd yng Nghiwba.

Mae 'Asere' yn dilyn ôl traed meistri'r Son (neu 'roots salsa') a disgrifir hwy fel band newydd mwyaf cyffrous Ciwba.

Mae dylanwad cerddoriaeth Clwb Gymdeithasol Buena Vista yn gryf arnynt ac maent yn cyfuno sain teimladwy Son traddodiadol gyda churiad salsa trefol Havana.

Mae'r cyfuniad yma wedi saethu'r band i flaen cerddoriaeth poblogaidd Ciwba ac ar y llwyfan rhyngwladol.

Fel arfer, bydd unrhyw elw o noson Salsa Cymru Cuba yn mynd tuag at brosiectau meddygol ac addysgol yng Nghiwba.