Ar fore gwener, y 12ed o Ragfyr, 'roedd y ddau yn eistedd ganllath oddi wrth ei gilydd ym Mhalas Buckingham' yn derbyn cydnabyddiaeth i'w gwasanathau dros y blynyddoedd Mick Jagger am ei wasanaeth i 'fwisig poblogaidd' a'n nhad am ei wasanaeth 'i lywodraeth leol ac i'r gymuned yn Ninbych'.

I ddarllenwyr Y Bigwn, rwy'n siwr y byddwch yn rhannu balchder fy nhad a ni fel teulu, o weld y cyfeiriad i'r gymuned yn Ninbych yn y rhaglen swyddogol.

Yn ôl y wybodaeth a gawsom gan swyddfa Chris Ruane yr Aelod Seneddol, mi wnaeth 54 o fudiadau ac amrywiol unigolion, ysgrifennu tystlythyr yn awgrymu ei fod yn derbyn yr MBE, y mwyafrif o'r rheiny yn cynrychioli mudiadau lleol yn Ninbych a Dyffryn Clwyd.

Mae gwasanaethu y gymuned yn Ninbych wedi bod yn rhan ganolog o fywyd fy nhad. Mae'r gymuned honno yn un eang iawn iddo fo ac mae o wedi rhannu ei amser a'i egni yn cefnogi pob math o fudiadau yn y dre, i rai sy'n hybu'r iaith Gymraeg, i brosiectau plant a phobl ifanc ac i deuluoedd mewn angen a'r rhai mwya' difreintiedig.

'Rydym fel plant yn cofio cloch y drws ffrynt yn canu yn rheolaidd, a'r stafell ffrynt yn cael ei throi yn 'syrgeri' i waith fy nhad fel cynghorydd y dre. Niwsans ar adegau i ni fel plant oedd isio gwylied y teledu!!

Ar ran y 54 o fudiadau hynny, y derbyniodd fy nhad ei MBE yn Llundain. Dwi'n gwybod y bydd o'n dymuno diolch i r unigolion a'r mudiadau hynny a wnaeth ysgrifennu yn cefnogi'r syniad i gydnabod ei gyfraniad i dre Dinbych.

Rydan ni ein chwech, Glyn, Clwyd, Ann, Mair, Mona a Rhys yn falch iawn ohono fo ac i mam am fod yn gymaint o gefn iddo fo ac i ninnau fel plant ar hyd y blynyddoedd.

Mair Jones 2 Stryd Y Faenol, Caernarfon.