Pan fydd yn ailagor ym mis Tachwedd fe fydd gan y dref theatr fach ag adnoddau cystal a mewn unrhyw theatr o'i maint yng Nghymru.

Erbyn hyn, mae cabanau'r contractwyr, cwmni Anwyl o'r Rhyl, yn llenwi'r maes parcio bach o flaen yr adeilad hynafol.

Mae'r prosiect, sydd yn cael ei ariannu gan nifer o gyrff cyhoeddus gan gynnwys Cyngor y Celfyddydau a Chyngor Sir Ddinbych, yn golygu y bydd mynediad rhwydd i bob man yn y theatr i'r anabl a bydd y cyntedd a'r ystafelloedd newid yn fwy.

Bydd ystafell hefyd ar gyfer cyfarfodydd y gwahanol bwyllgorau ac at ddefnydd rheolwr y theatr. Edrychwn ymlaen yn eiddgar at ddiwedd y flwyddyn ac at weld Theatr Twm o'r Nant ar ei newydd wedd.