Diolch yn fawr iawn i'r ddau ohonynt am eu holl waith.

Cafwyd araith gan y Maer a dywedodd ei fod wedi penderfynu rhannu'r £1200 a godwyd trwy gynnal y ddawns rhwng nifer o elusennau lleol sy'n gofalu am yr hen a'r anabl.

Mae Raymond wedi bod yn weithgar iawn dros nifer fawr o flynyddoedd yn y maes yma.

Roedd Dawns y Maer yn digwydd bod ar yr un diwrnod ag ymgyrch Diwrnod y Trwyn Coch a derbyniodd y Maer yr her i wisgo trwyn coch a thrwy hynny cododd £88 ychwanegol at ei hoff elusennau.

Croesawyd prif westai'r noson, Y Barnwr Michael Baker, gan Mr. Medwyn Jones, a chafwyd araith ddiddorol a doniol ganddo am ei brofiadau fel barnwr yn llysoedd Lerpwl.

Talwyd y diolchiadau ar ran y gwesteion gan Mr. Gwyn Dryhurst Dodd a soniodd am ei atgofion o Mr. Baker ac o'r Maer, ond ni ddatgelodd ormod o gyfrinachau!

Dilynwyd yr areithiau gan ddwy neu dair awr o ddawnsio a chymysgu efo ffrindiau mewn awyrgylch hyfryd.

Roedd cystadleuaeth answyddogol am y dawnsiwr mwyaf gwreiddiol ac egnïol a'r barn cyffredinol oedd bod tri yn y dis, sef Mr. Jim Tadgell, Dr. Hywel Watkin a Dr. Craig Kensler gyda Dr. Kensler yn ennill o drwch blewyn!

A'r ddawnswraig fwyaf creadigol? Wel, Gaynor Morgan Rees, wrth gwrs!

Mae tymor Raymond fel Maer Dinbych a Neville, fel Cadeirydd y Cyngor Sir, yn dod i ben cyn hir.

Mae'r ddau wedi cael blwyddyn lwyddiannus dros ben a'r mawr yw ein diolch i'r ddau o Ddinbych, y naill yn brif ddinesydd ei dref enedigol a'r llall yn brif ddinesydd ei sir, am eu gwaith graenus a di-fIino.