Dewiswyd un o selogion y byd ymryson cŵn, sef Mr Ieuan Williams, Efailnewydd, yn Gadeirydd ar y pwyllgor lleol. Yn naturiol, bydd yna lawer o waith caled yn wynebu'r Cadeirydd a'i bwyllgor yn llywio a threfnu cant a mil o ofalon rhwng rŵan a hynny. Trefnu'r maes, trefniadau iechyd a diogelwch, parcio, codi arian, llety a chroeso, i enwi dim ond ychydig.

Mae'n edrych yn debyg yn barod mai yma yn Llŷn y lleolir y gweithgareddau, oherwydd mae'r gwaith o edrych am gaeau fydd yn ddigon mawr i gynnal yr ymrysonfa wedi cychwyn yn barod, a thrafodaethau eisoes ar y gweill hefo perchenogion y tir.

Dylai cynnal y Genedlaethol ddod â hwb sylweddol i economi'r ardal gan ei bod yn denu ymwelwyr a chystadleuwyr niferus yn flynyddol.

Dymunwn bob llwyddiant i'r fenter. Yn sicr, bydd dilyn ar y datblygiadau yn y Llanw dros y tair mlynedd nesa'.