Cofiwch chi, mi fydd Anti Jîn yn dŵad yma i ddeud helo ac agor y drws i mi.

Ond O!! Mi oeddan Nhw'n hir.

Hi Bos gymerodd yn 'i phen i fynd i ryw Rhuthun ne' rwla ac i ffwrdd a'r ddwy yn syth ar ôl cinio.

Mi wyddwn i fod rwbath ar droed: on'd oeddan nhw'n molchi a rigio ers ben bora?

A wedyn dyma Hi Sbecs yn fy hergydian i i fyny'r lôn am dro.

Ew, doeddwn i ddim yn cael amsar i smowta dim a honno'n tynnu am adra .

Ta waeth, mi gyrhaeddodd y ddwy'n ôl ac - er mwyn plesio - deud bod pobol yn holi amdana i: rhyw Olwen a rhyw Terry. Chwarae teg iddyn nhw.

Bora drannoeth dyma fi'n cael y dych pan glywis i sŵn dyfroedd a gweld y dillad gora allan eto.

"Hei ho," medda fi, "chewch chi mo 'ngadael i heddiw eto'r tacla!"

Felly mi lynis i fel gelan wrth ochor Hi Sbecs a gneud golwg ddigalon amaf fy hun. A 'chi be'? Mi weithiodd!!

"Fedrwn ni mo'i gadal hi heddiw eto: bechod," medda Hi Sbecs mewn llais hen ffasiwn.

Wel, i Fangor aethon ni. Waeth gin i fanno ddim.

Mi fuos i 'n y car am sbe1 tra buon Nhw'n gwe1d ffariar pobol ac ro'n i'n cysgu'n braf pan glywis i lais Hi Bos yn deud Ty'd o'r bali lle 'ma am dy fywyd!" Ac i ffwrdd a ni fel slecs!

Ddyfalwch chi byth lle buos i: ia, mewn caffi! Mi oedd 'na gastall mawr a môr yno ac mi ges i ista efo'r ddwy i gael cinio.

Ro'n i'n cael tamad - mymryn o bysgodyn ne' ddarn o fechdan - dan y bwrdd bob hyn a hyn yn slei bach.

Sôn am frolio roeddan Nhw nes imi golli arnaf fy hun yn lân a gweld homar o gi mawr du yn mynd heibio.

Mi rois i blwc sydyn nes y saethodd braich Hi Bos ar draws y bwrdd a hitio'r cyllyll a'r ffyrc nes roeddan nhw'n rhygnu hyd y llawr. "Gafal ynddi hi," medda Hi Bos, "yn lle sbio fel llo ne mi fyddwn ar 'n penna'n yr harbwr!"

Ond mae Hi Sbecs wedi arfar efo fy antics i ac mi wyddai hi mai dim ond rhoi rhyw gyfarchiad o gyfarthiad wnes i.

Dw i'n siwr y basa'r ffariar pobol wedi'i chadw Hi Bos yn y lle pobol sal 'na tasa fo wedi gweld pa mor goch oedd 'i gwvnab hi!

Fuon ni ddim yn unman dros y Sul.

Mae gen i ddigon o waith wardio'r petha pluog a blewog hyd y cefna 'ma.

Ac mi glywis i Hi Bos yn deud wrth Sbecs: "Paid A mynd a Dorcas fach am dro. Mae hi fel Gehena efo'r holl bobo1 'ma'''.

Ew, ro'n i'n falch o glywad bynny. Fedra' i weld dim wrth fynd i'r post dyddiau yma ond cŵn dearth a choesa blewog bobl nad ydw I'n ddallt dim gair o be' maen nhw'n ddeud.

"Hen betha sychion ydyn nhw," medda Sbecs: mi fydd hi'n deud "Bore da" a "Gwd morning" ond dim ond amball un sy'n atab hi.

Dwi I am fynd i sbio drwy'r ffenast rŵan I weld y "ffair lôn". Ella y gwela' I chi mewn Mownti cŵn ne' gaffi. Dorcas(gyda help Anna Jones) xxxxxx