Y siaradwyr yn y cyfarfod a drefnwyd ar Fawrth laf oedd Penri Jones, Twm Prys Jones, Ieuan Wyn, Myrddin ap Dafydd, Bob Dorkins a Simon Glyn.

Cynhaliwyd y cyfarfod yn Ysgol Glan y Mor, Pwllheli, dan gadeiryddiaeth Robyn Lewis. Bwriad y trefnwyr oedd i gael trafodaeth yn hytrach na dadlau penboeth.

Llwyddwyd i wneud hynny mewn ffordd urddasol, a chasgliad y cyfarfod oedd galw ar Gyngor Gwynedd i lunio drafft newydd yng ngoleuni'r canlynol:

1. proffiliau ieithyddol, diwylliannol a chymdeithasol o'r ysgolion a'r cymdogaethau; ac asesiadau ardrawiad ieithyddol, diwylliannol a chymdeithasol mewn perthynas a'r ysgolion a'r cymdogaethau.

2. astudiaethau cymharol helaethach er mwyn ehangu'r dewisiadau i gynnwys cydweithio ffurfiol a gwahanol fathau o glystyru ac o ffederaleiddio.

3. barn rhieni a chyrff llywodraethol leol.