Yn anffodus, dydy'r llun camera ddim yn gwneud unrhyw gyfiawnder a llun Carys, sy'n dangos llong gyda hwyliau glas a'r geiriau yma wedi eu sgrifennu o'i blaen:

Dacw long yn hwylio'n hwylus
Heibio'r trwyn ac at yr ynys;
Os fy nghariad i sydd ynddi
Hwyliau sidan glas sydd arni.

Daw'r geiriau o'r gan 'Tros y Mor', sef un o'r caneuon ar ail gryno ddisg Gwenan a'r un a roddodd ei theitl iddi: 'Sidan Glas'.

Cafodd y llun ei wneud yn arbennig i Gwenan felly.

Cofiwch fod Tlws Einion yn cael ei roi i awdur yr erthygl orau i gael ei chyhoeddi yn y Llanw yn ystod y flwyddyn ym marn beirniad, gyda'r wobr yn cael ei gomisiynu gan artist lleol bob blwyddyn.

Felly, beth amdani? Anfonwch erthyglau i'r Llanw ac efallai mai chi fydd yn cael gwaith o gelfyddyd arbennig y flwyddyn nesa!