| Wynebodd y pedwar gystadleuaeth galed a thasgau heriol ond, ar ddiwedd tri diwrnod caled o gystadlu, cyhoeddwyd Phil Foulkes o Lanberis yn enillydd y Fedal Aur yn y cinio gwobrwyo yn stadiwm Hampden Park. Mae Phil, sy'n 23 mlwydd oed, yn Brentis hefo Uned Hyfforddi Coleg Menai ac yn cael ei gyflogi gan Gontractwyr Plastro Mark Phillips. Dywedodd Phil ar y diwrnod:
'Dwi'n hapus ac wedi cael sioc i ennill medal yn y ffeinal. Dwi wedi mwynhau cymryd rhan yn y gystadleuaeth Skillbuild eleni, mae wedi bod yn waith caled ond yn werth ei wneud.
"Byddwn yn argymell cymryd rhan i unrhyw un sy'n ystyried cystadlu flwyddyn nesaf. "Hoffwn ddiolch hefyd i fy nhiwtoriaid Plastro a Chefnogi Dysgu yn y coleg am eu holl help." Yn ogystal a chael Aur mewn Plastro, cafodd Phil ei enwi fel Enillydd Tlws Frank Eaton sy'n cael ei roi er cof am Frank Eaton, cyn brentis a ddaeth yn Brif Weithredwr a Chadeirydd Barratt. Mae'r Tlws yn mynd i'r prentis sydd wadi dangos perfformiad ac agwedd rhagorol yn ystod y gystadleuaeth. Ychwanegodd Phil: 'Dwi wrth fy modd fy mod i wedi ennill Aur mewn Plastro ac wedi cael Tlws Frank Eaton.' Bydd yr enillwyr o'r rownd
derfynol yn mynd ymlaen i gystadlu i fod y gorau yn y byd drwy gymryd rhan yng nghystadleuaeth rhyngwladol WorldSkills sy'n cael ei chynnal pob dwy flynedd. Bydd y gystadleuaeth WorldSkills nesaf yn digwydd yn Llundain yn 2011.
 | 
