 | Ac mae'n fraint cael estyn croeso cynnes iddo ar ran pawb ohonom sy'n gysylltiedig a'r cynllun, a gobeithio hefyd ar ran yr eglwysi a'r ardalwyr. Rhag ofn na welsoch chi'r erthygl a gyhoeddwyd ym mis Medi, dowch i mi gyflwyno Andrew i chi. Cafodd ei fagu yn Sir Benfro, yn Hwlffordd, ar aelwyd Gristnogol. Wedi gadael
Ysgol Tasker Milward yn y dref honno, dilynodd gwrs mewn astudiaethau ieuenctid a chymunedol ym Mhrifysgol Aberystwyth, ac yna gwrs nyrsio ym Mhrifysgol Caerdydd. Bu'n gweithio fel nyrs yng Nghaerdydd, ac yna yn Awstralia dros y flwyddyn ddiwethaf. Er iddo gael ei fagu yn ddi-Gymraeg, mae Andrew wedi llwyddo i ddysgu'r iaith yn ardderchog. Gwnaeth hynny chwe blynedd yn ôl pan
dreuliodd bedwar mis yng Ngholeg y Bala. Mae ganddo brofiad o waith Cristnogol yn ei eglwys gartref ac yng Nghaerdydd, ond dyma'r
tro cyntaf iddo dderbyn swydd lawn amser mewn gwaith cenhadol. Bydd yn cydweithio a'r eglwysi i drefnu gweithgareddau a chyfarfodydd Cristnogol ar gyfer yr ieuenctid, ac yn ymweld a'r ysgolion lleol pan fydd cyfle. 0 hyn i'r Nadolig, gobeithiwn y bydd yn dod i adnabod yr ardal a'i phobl, ac yn cymryd rhan mewn rhai cyfarfodydd yn y capeli a'r eglwysi. Un o'r pethau cyntaf ar ei gyfer fydd cyfarfod newydd a fydd yn cychwyn i bobl ifanc blwyddyn 7 i 9 yn Capel Coch ar nos Sul o fis
Tachwedd ymlaen. Trefnwyd y cyfarfod hwnnw ar y cyd gennym yn Capel Coch ac Eglwys Sant Padarn. Ar hyn o bryd, mae
Andrew'n byw yng Nghwm y Glo, a gwerthfawrogwn y croeso a gaiff ar aelwyd Graham a Casi Thomas ym Min y Nant, Allt Goch, nes y caiff dy neu fflat i'w rentu. Os gŵyr un ohonoch am dy neu fflat rhesymol ei bris ym mro'r Eco, rhowch wybod i mi os gwelwch yn dda. Byddai Andrew yn barod i rannu tŷ os
oes un neu ddau o bobl ifanc, dyweder, eisiau help at y rhent neu'r morgais. Edrychwn gydweithio
ymlaen at ag Andrew. Gweddïwch drosto, os gwelwch yn dda, a thros bawb fydd yn cydweithio ag ef. Bwriad Cynllun Efe yw cyflwyno'r Arglwydd Iesu i ieuenctid a phlant y fro. Yr Efengyl i Fro'r Eco yw'r weledigaeth. Bydd cyfarfod arbennig cyn bo hir i groesawu Andrew ac i'w gomisiynu i'w swydd. Caiff y dyddiad ei hysbysebu mor fuan a phosibl. Yn y cyfamser, bu chwech ohonom sy'n rhan o waith Efe
yng Nghricieth nos Iau, Hydref 16, yn cyfarfod a chyfeillion sy'n gyfrifol am Gynllun Trobwynt, sy'n cynnal gweithwyr ieuenctid Cristnogol yn Llyn ac Eifionydd. Sefydlwyd Trobwynt dair blynedd yn ôl, ac mae'n amlwg
bod y gwaith yn llwyddo. Gobeithiwn weld llwyddiant tebyg yng ngwaith Efe. Cafwyd cyfle i glywed am waith y ddau gynllun ac i weddïo dros y gwaith hwnnw. Pan ddechreuon ni drafod gwaith Efe dair blynedd yn ôl, roeddem yn gweld Trobwynt yn batrwm da o'r math o waith y dymunem ei ddatblygu yn y fro hon. Bryd hynny, roedd merch
ifanc newydd ddechrau gweithio i Trobwynt. Ers hynny, mae Rachel wedi priodi bachgen o'r enw John Settatree, sydd bellach yn rhannu gwaith Trobwynt efo hi. A'r hyn sy'n
rhyfedd yw bod John yn frawd i Andrew yr ydym ni bellach yn ei groesawu i fro'r Eco.
John Pritchard
| |
