Mae Mynydd Ty'n Graig i fyny yn uchel iawn uwch ben Cefn Brith a pan fyddwn ni yn mynd yno mae'r ffordd yn andros o anwastad ac mae yna un bymp ofnadwy o fawr. Rydym ni yn taro ein pen ar do y picyp wrth fynd drosto fo ac yn chwerthin llond ein boliau.

Mae cwn Taid yn dod yn y picyp hefo ni. Enw y cwn ydi Pegsan a Fflei a Smot y ci drwg a Pwten a Cymro. Ni biau Cymro ond mae o ar ei wyliau yn ty Taid a Nain dros y gaeaf.

Mae Pwten yn mynd i gael cwn bach. Mae y cwn yn mynd yn wirion bost yn y mynydd am bod nhw yn hoffi mynd am dro yno. Mae Fflei yn ffraeo hefo Pegsan ac mae Pegsan yn colli a Fflei yn curo. Bydd Taid yn cael trafferth hefo Smot. Dydi o ddim eisiau dod yn ôl i'r picyp. Mae Taid yn gorfod chwibanu a chwibanu ond dydi Taid ddim yn gallu ei gael yn ôl. Wedyn mae Taid yn gwylltio yn gacwn.

Mae Siôn a Llio a Llion a fi yn hoffi chwarae ar y mynydd ac weithiau mae ceffylau yn dod at y wal i'n gweld ni. Brown ydi'r ceffylau ac mae nhw yn wyllt. Mae nhw yn ganol y grug piws.

Mae Nain yn gwneud bwyd i ni fynd hefo ni am dro i'r mynydd. Rydym yn cael banana a iogyrt toffi a wotsit a dwr ac mae Taid yn cael coffi. Rydym ni yn chwarae pêl cyn mynd adre.

Dwi wrth fy modd yn cael mynd am dro i Mynydd Ty'n Graig hefo Taid a bob tro pan fyddaf i yn mynd i Glasfryn byddaf i yn gofyn i Taid, Gawn ni fynd i ben y mynydd heddiw, plis?'

Math Emyr