Mae'r gymdeithas bellach wedi tyfu ac yn cefnogi dros 600 o deuluoedd sydd wedi colli rhywun annwyl drwy drais.

Maent bellach yn cynghori'r Ysgrifennydd Gwladol ar y pwnc.

Mae MAMAA hefyd yn gwneud gwaith yn yr ysgolion i godi ymwybyddiaeth ieuenctid o beryglon a chanlyniadau difrifol cario a defnyddio arfau treisgar.

Bu'r aelodau yn cynnal cyfarfodydd aml yn Ysgol Brynrefail.

Ddiwedd y flwyddyn hon bydd MAMAA Cymru yn cael ei lansio yn y Cynulliad yng Nghaerdydd ynghyd a sawl mudiad arall tebyg.

Hoffai Dee ddiolch i bobl Cwm am eu holl gymorth, yn enwedig am warchod y plant, yn aml ar fyr rybudd, tra roedd hi'n mynychu cyfarfodydd.

Yn olaf, llongyfarchiadau i Dee ar ddod yn nain i Harmony Rose, merch i'w mab arall, Steve. Pa well dechrau i flwyddyn ynte?