Hon yw 'Crufts' y ceffylau gwedd a mawr ydi'r anrhydedd i Rhys Griffiths am baratoi Hill Lodge Linton a'i arddangos mor llwyddiannus.

Cafwyd llwyddiant ychwanegol gydag ebol dyflwydd, sef Trem y Wyddfa Richard.

Daeth yn gyntaf yn ei ddosbarth ac yn is-bencampwr yr holl sioe.

Gan fod ei waed yn rhy agos i weddill ceffylau Tros y Waen, rhaid oedd gwerthu'r pencampwr ifanc hwn.

Braf yw gweld fod yr hen draddodiad o fagu ceffylau gwedd yn parhau ym Mhenisarwaun a gychwynnwyd gyda William Hugh, Llys.

Trosglwyddwyd yr awenau'n llwyddiannus iawn i'w fab Dylan.

Bellach Rhys ac Elliw, plant Dylan, sydd yn arwain a thywys dan oruchwyliaeth ofalus eu taid a'u tad.