Yn fuan wedyn fe'i tynnwyd i lawr ac roedd llawer un yn gofidio o weld ei le yn wag. Erbyn hyn mae panel gwybodaeth newydd sbon wedi ei osod ar yr un safle gan Gyngor Cefn Gwlad Cymru.

Mae wedi ei lunio o efydd wedi ei gastio ar ffurf tri dimensiwn gan y crefftwr, Andrew Coomber, o Sir y Fflint.

Mae'r olygfa ar draws Llyn Padarn wedi denu llawer i arlunydd ond mae'r panel hwn o grefftwaith unigryw yn galluogi unrhyw un i redeg eu bysedd dros y creigiau a'r dyffrynnoedd tra'n syllu arnynt.

Mae'n cynnwys hefyd ddarnau o farddoniaeth gan Iwan Llwyd a Gillian Clarke, wedi eu comisiynu yn arbennig, ynghyd a gwybodaeth am blanhigion prin yr ucheldir.