Prif amcan y cynllun yma gan cynghorau Llundain yw mesur a chofnodi newidiadau tywydd a hinsawdd dros ardal eang, a'i ddadansoddi drwy fasdata cenedlaethol.

Mae'r pynciau amgylcheddo1 o fewn y cwricwlwm newydd yn cael sylw mawr mewn ysgolion, gyda'r pwyslais ar bolisïau sy'n leihau nwyon Co2 yn flaenoriaeth yn y cwricwlwm daearyddiaeth ac fel elfen o'r ABaCh 'dinasyddiaeth fyd eang'.

Fis Ionawr 2009 cafodd Ysgol Gynradd Llanrug gynnig ymuno gyda'r cynllun, a chytunodd y grid cenedlaethol ar gyfer dysgu (NGFL) i noddi ac ariannu'r orsaf dywydd yn Llanrug.

Mae gorsaf dywydd fechan wedi bod ar safle'r ysgol gynradd ers 1995 yn cofnodi tymheredd, glawiad, a gwynt, ond mae'r offer newydd yn llawer gwell.

Prif rinweddau'r orsaf newydd yw'r amrywiaeth o synwyryddion electronig i fesur yr holl elfennau amgylcheddol. Mae'r orsaf hefyd yn cynnig rhagolygon o'r tywydd yn lleol dros gyfnod o wythnos.

Yr hyn sydd yn unigryw yn y prosiect yw bod modd i unrhyw ysgol neu unigo1yn gysylltu yn uniongyrchol gyda'r safleoedd a gweld y data yn fyw ar sgrin gyfrifiadur.

Mae'r cwmni hefyd yn gosod gwe-gamera ar y to i ddangos llun byw o Ddyffryn Peris a'r Wyddfa fel rhan o'r data. Bydd y lluniau a'r data'n uwchraddio bob munud ar sgrin.

Mae modd i chithau fel darllenwyr gysylltu gyda'r wefan ar eich cyfrifiadur ar y cyfeiriad ar waelod y dudalen hon. (Ga11wch gael mynediad drwy ddefnyddio'r safle ysgol.)

Mae'n bwysig defnyddio'r cyfeiriad uchod i fynd yn uniongyrchol i safle'r ysgol. Nid yw yn bosibl cael mynediad trwy 'Google' gan ein bod yn blocio mynediad allanol).

Os ydych eisiau cysylltu gyda'r rhwydwaith o orsafoedd heb fynd drwy safle'r ysgol dyma'r cyfeiriad: http://weather.atomwide.com

Ewch i'r rhestr y gorsafoedd a chlicio ar Caernarfon.

Yn ystod y misoedd nesaf rydym am gymharu data a gofnodwyd yn mis Mawrth 1995 gyda data o'r orsaf dywydd newydd ar gyfer Mawrth 2008, i weld a oes yna unrhyw sail i'r ddamcaniaeth fod newid yn y tymhorau.

Mae'r lluniau o'r wefan yn dangos y gwahanol data sydd yn dod o'r synwyryddion.

Mae'r disgyblion yn defnyddio gorsaf dywydd fechan hefyd i wneud gwaith maes neu astudio corneli o fewn ffiniau'r ysgol. Mae'n anodd deall fod cymaint o wahaniaeth tymheredd rhwng yr ardaloedd cysgodol ar y buarth ar ardaloedd hynny sy'n wynebu'r haul e.e. Mae'r cennin Pedr yn blodeuo tua pythefnos o flaen y rhai sydd yn tyfu yn yr ardaloedd cysgodol.

Mae modd cario'r orsaf dywydd fechan yn eich poced i wahanol safleoedd ac yna recordio data tywydd wrth fynd am dro. Gellir lawr lwytho'r data i gyfrifiadur er mwyn dadansoddi'r wybodaeth.