Roedd yn braf cael gweld y beudy ar ei newydd wedd a theimlo balchder arbennig wrth weld gwaith celf plant yr ysgol yn addurno'r adeilad gwyngalchog. Yr arlunydd Luned Rhys Parry fu yma yn gweithio'n brysur gyda phlant blwyddyn 3 a genethod blwyddyn 6 yn creu modelau o wartheg, llestri, tebot a chadeiriau ar gyfer yr agoriad. Catrin Williams fu'n cydweithio gyda chriw yr Antur ac roedd y cyfuniad o'r modelau a'r baneri yn perthnasu'r holl brosiect gyda phentref Waunfawr.

Diolch i'r Cynghorydd Mr Gwilym Williams ac aelodau Cyngor Cymuned Waunfawr am eu rhodd ariannol o £150 tuag at gostau'r trip. Y flwyddyn nesaf bwriedir cynllunio taith i Sain Ffagan i ddisgyblion blwyddyn 4 ,5 a 6 i weld y beudy a Charreg Fawr.

Seiliwyd yr ymweliadau addysgol eraill ar waith thema'r tymor. Bu plant blwyddyn 3 ar ymweliad yn Gelli Gyffwrdd; blwyddyn 5 a 6 yn Amgueddfa Lechi Llanberis; Adran y Babanod yn Fferm y Foel, tra bydd blwyddyn 4 yn cael taith am Lyn Glaslyn.

Cynhaliodd Adran y Babanod eu taith gerdded noddedig flynyddol yng Nglynllifon ar Fehefin y 10fed, diolch i flwyddyn 6 am helpu. Bydd yr Adran lau yn cynnal eu taith gerdded noddedig hwy o amgylch Llyn Llanberis Ddydd Llun Mehefin 21ain.

Diolch i Mr Ken Latham am gynorthwyo, a diolch arbennig i bawb a gyfrannodd yn ariannol. Bydd elw'r teithiau cerdded yn mynd tuag at brynu Bwrdd Gwyn Rhyngweithiol yn y neuadd ar gyfer mis Medi. Diolch i bawb a gasglodd docynnau Teseo. Mae gennym dros 25,000 yn y coffrau erbyn hyn a byddwn yn archebu cyfrifiadur newydd i'r ysgol - gwych iawn.

Hoffem ddiolch hefyd i'n ffrindiau o'r Antur a Mrs Anna Williams am gyd-weithio gyda'r plant i wneud basgedi blodau ar gyfer y Ffair Haf.