Addysgwyd Marc Roberts yn Ysgol Gynradd Cwm y Glo, Ysgol Brynrefail a cholegau Pencraig a Llandrillo, ble bu'n dilyn cyrsiau coginio, arlwyo, a rheolaeth bwyd.

Dechreuodd ar ei yrfa yng Ngwesty Gwel y Llyn, Llanberis, dan arolygaeth Mr Arthur Rogers a fu'n chef yng Ngwesty'r Adelphi yn Lerpwl.

Wedi cwblhau ei ddiploma, cafodd swydd chefyn y Brifysgol ym Mangor a'i ddyrchafu maes o law yn rheolwr.

Bellach, mae'n Chef Gweithredol Arlwyo Mandolin yn y Ganolfan Rheolaeth yn y Brifysgol, a dyna sut cafodd y fraint o baratoi bwyd ar gyfer yr ymweliad brenhinol - a hynny ar gymeradwyaeth Uchel Siryf Gwynedd.

Ac i'r rhai ohonoch sydd â diddordeb yn yr hyn a blesiodd y gwesteion yn fawr iawn, dyma'r fwydlen a baratowyd gan Marc.

Cwrs Cyntaf: Terin Pore, Bricyll a Pistachio ar wely 0 ddail gwyrdd, gyda salsa pinafal a bara crystiog.
Prif Gwrs: Medaliynau o Gig Oen Cymreig ar Fwtrin Rhosmari, gyda Mwtrin Cennin a Chreision Pannas.
Pwdin: Gellyg bychain wedi eu potsio mewn gwin port gyda hufen iâ fanila.

Ac yr oedd y llythyr a dderbyniwyd o Balas Buckingham ddeuddydd wedi'r achlysur yn tystio fod pawb wedi mwynhau'r blasusfwyd.