Symudwyd i Dan Gelynnen, Y Waunfawr lle ganwyd eu mab, Richard Melfyn Jones ar 1 Mawrth 1938.

Yn 1940 symudodd y teulu i Fryn Gwyrfai lle buont yn gofalu am hen gapel bach Penrallt tan 1952 pan symudasant i'r Brithdir, Rhosgadfan. Collodd Mrs Jones ei gwr ar ôl symud i Fro Cadfan, 28 Tachwedd, 1978.

Yn ôl j'r dyddiau cynnar pan oedd rhyw 7 i 8 oed.

Byddai brêc ceffylau yn aros ger Penffordd a byddai Leus yn llithio'r ceffylau am ryw geiniog yr wythnos.

Roedd y teulu yn selog iawn yn yr eglwys yn y Rhos a cherddent yno drwy bob tywydd ar y llwybr drwy'r Gaerwen, a pharhaodd Anti Leus yn ffyddlon i'w chapel a'r holl gymdeithasau yr oedd ynghlwm â hwy yn ardal Rhosgadfan.

Roedd yn mwynhau mynd i'r neuadd i wylio dramâu ac eisteddfodau, ac ati.

Os byddai Nedw yn sôn am drip roedd yn un o'r rhai cyntaf i roddi ei henw i lawr. Bu cyn belled â Llundain un waith yn gweld y Black & White Minstrels Show.

Roedd yn hoffi gwylio'r teledu gyda reslo yn un o'i ffefrynnau a Big Daddy a Mick McManus yn uchel iawn ganddi, a hefyd ar brydiau rasus ceffylau. Symudodd i lawr i Fro Gilbert, Rhostryfan ar ddiwedd y 1980au a bu'n hapus iawn yn y Rhos erbyn hyn yn nain a hen nain groesawus.

Mae Anti Leus yn berson addfwyn, cymwynasgar, haelionus iawn gyda gwên a chroeso ar ei haelwyd bob amser. Dymunir iddi flynyddoedd lawer eto yn ein mysg a phob bendith i'r dyfodol.

Geraint Summers