Mae'r Gymdeithas yn gyfrifol am drefnu'r ddwy Sioe Flynyddol - y Sioe Flodau ym mis Medi a'r Sioe Hydref ym mis Hydref.

Yn ddiweddar mae'r pwyllgor sydd a'r dasg o drefnu'r sioeau wedi cael ei fylchu - colli eu hysgrifennydd gweithgar a chydwybodol ym marwolaeth Mrs Eunice Rowlands, a dau arall o'r pwyllgor Mr Cledwyn a Glenys Williams wedi ymddeol o'r pwyllgor ar ôl blynyddoedd o wasanaeth gwerthfawr.

Mae hyn yn golygu mai dim ond chwech sydd ar ôl ar y pwyllgor.

Mae cyfarfod arbennig yn cael ei gynnal yn y Neuadd Goffa, Penygroes am 7.30 nos Lun 16 Chwefror i drafod dyfodol y sioeau.

Os ydych am weld parhad i'r sioeau, dowch i'r cyfarfod arbennig i gynnig eich syniadau a'ch/neu eich cefnogaeth a rhoi eich ysgwydd dan y baich.

Buasai'n resyn pe na fyddai sioeau yn y dyfodol.

Os am fwy o wybodaeth cysylltwch ag un o'r canlynol: Mrs June Jones, Llwyn-y-fuches, Mr Raymond Parry, Llwyn-y-fuches, Mr Elwyn Jones Griffith, Ffordd y Brenin, Mr Hugh John a Beti Jones, Pontllyfni neu Mr Alun Williams, Stryd yr Wyddfa.