Cafodd ei henwi ar ôl merch fach i Lloyd George a fu farw.

Collodd ei mam yn 1914 pan oedd yn 5 oed, a bu farw ei thad yn 1926.

Dechreuodd weithio yn 14 oed. Danfonwyd hi ar y trên i ysgol wnïo yn Afonwen.

Daeth yn ôl i Benygroes i weithio fel morwyn i Mrs Evans, Eldon House am ychydig ac yna symud i Lundain i weithio i Capten a Mrs Thomas, yn edrych ar ôl eu plant.

Yr oedd y teulu hwn gartref arall Glwysfa, Abererch a byddai'n dod gyda nhw yno adeg y gwyliau.

Bu gyda'r teulu am 8 mlynedd cyn symud yn ôl i Benygroes ac i Gwyddfor at Dr Edwin a Mrs Shelton Roberts, lle bu am 40 mlynedd hapus, ac fel aelod o'r teulu.

Bu'n aelod ffyddlon a gwerthfawr ym Methel ar hyd y blynyddoedd ac erbyn hyn yn aelod hynaf Capel y Groes.

Wedi ymddeol, bu'n byw yn Glwysfa, Stryd Fawr, hyd at dair blynedd yn ôl pryd y symudodd i Blas Gwilym lle mae'n cael gofal ardderchog gan y metron a'r staff.

Trefnwyd parti iddi hi ac aelodau o'r teulu, yn ôl eu harfer, gan y staff yn y Cartref.

Llongyfarchiadau mawr iddi ar yr achlysur, ac mae pawb yn falch o'i gweld yn edrych mor dda.