| O dan y cynllun 'Dim Pen y Daith', ar gost o £2.8m, estynnir y safle a'i droi yn swyddfeydd a siop a chodi adeilad newydd fel gweithdy ar gyfer gwaith coed a thrydan. Gobeithir orffen y gwaith erbyn yr haf nesaf. I gwrdd a'r gost fe gafodd CRAFT gymorth oddi wrth Gronfa Datblygiadau Rhanbarthol Ewrop, y Cynulliad Cenedlaethol, WDA, Ymddiriedolaeth Treftadaeth y Rheilffyrdd, Cyngor Sir Ceredigion a Chronfa Fawr y Lotri. Mae Allison Cann, Swyddog Datblygu CRAFT, yn diolch i'r Cwmnlau lleol a'r Ganolfan Technoleg Amgen hefyd am eu helpu i wireddu amcanion yr elusen.
Sefydlwyd CRAFT ddeng mlynedd yn ôl; Mae'n trwsio celfi, beiciau ac offer trydanol i bobl ai incwm isel ac yn gwerthu deunydd sydd dros ben i godi incwm. DywedoddCliffordd Pope, y swyddog cyllid, ei bod yn bwysig bod pobl yn defnyddio'r elusen trwy roi iddi eitemau nad oes eu hangen amyn nhw ond a allai fod o ddefnydd i eraill. Dywedodd Andy Rendell, cyd- drefnydd y cwmni eu bod yn rhoi gwaith, hyfforddiant, swyddi a chyfleoedd gwirfoddol ac yn cydweithio a'r Ganolfan Waith, Coleg Ceredigion a'r Brifysgol.
Diolchwn i bawb sy'n gweithio gyda CRAFT am eu gwaith clodwiw.
Galwch mewn i weld beth sydd ganddynt, neu ffoniwch 626532 am ragor o wybodaeth. Diolch i'r Cyngor Wrth roi sylw i'r elusen CRAFT yn y rhifyn yma o'r Angor, mae'n iawn ein bod hefyd yn dangos ein gwerthfawrogiad o waith y Cyngor am iddynt ddarparu safle mor gyfleus yn Glan-yr-Afon er mwyn ail- gylchu ein gwastraff ac ar yr un pryd diogelu ein hamgylchfyd. Oes nad oes modd i chi fynd i'r safle, yna holwch y Cyngor am beth i'w wneud a'ch sborion.
 | 
