Mae'n gyfle gwych i chwilio am wefannau defnyddiol a diddorol trwy gyfrwng y Gymraeg heb drafferthu â'r peiriannau chwilio amhersonol ac anniddorol. Gwybodaeth ddibynadwy yn unig a gynigir gan Gymru ar y We yn ymdrin â Chymru a phob agwedd o'r bywyd Cymreig. Er nad oes gwefannau masnachol yn bodoli ynddi, mae'r amrywiol wybodaeth yn y porth yn sicrhau rhywbeth at ddant pawb.

Hefyd, mae'r porth o ddiddordeb arbennig i ddisgyblion ysgol gynradd ac uwchradd wrth iddynt wneud ymchwil annibynnol i feysydd cwricwlaidd, ac i athrawon wrth iddynt chwilio am adnoddau er mwyn cryfhau deunydd ar gyfer eu gwersi.

Lleolir Gymru ar y We yn Llyfrgell Genedlaethol Cymru yn Aberystwyth a chyllidir ef gan Gymru Ar-lein o Lywodraeth Cynulliad Cymru.

Yn ôl Rheolwr Prosiect, Aled Betts, "Os hoffech i wefan, boed yn un hanesyddol am eich ardal neu un sydd yn darparu presenoldeb i'ch sefydliad neu fudiad, gael ei rhestru o fewn y porth, yna dewch draw i ymweld â Chymru ar y We a llenwi'r ffurflen Awgrymwch Adnodd neu gyrrwch ebost at cymruarywe@llgc.org.uk gyda manylion yr adnodd. Byddwn yn edrych ymlaen at dderbyn y wybodaeth".