Yn frodor o Lanbadarn, treuliodd Paul ei flynyddoedd cynnar yng Ngwesty Llety Gwyn. Bu'n ddisgybl yn Ysgol Cwmpadarn Gwyn ac yn Ysgol Penglais ac wedi iddo adael yr ysgol aeth i weithio mewn banc yn y dref. Yn nes ymlaen aeth i weithio fel Ymgynghorydd Ariannol yn y dref ac erbyn hyn mae'n gweithio yng Nghaerdydd. Ar ôl bod ar Fannau Brycheiniog ac mewn ambell le arall gyda Ben Fogle ar gyfer 'Extreme Dreams' fe'i dewiswyd y llynedd, allan o 10,000 o ymgeiswyr, i fod yn rhan o dîm bychan a aeth i Libya ac i anialwch y Sahara. Roedd rhaid iddo gerdded, dringo a rhedeg mewn treialon yng ngwres llethol yr anialwch. Amser caled iawn felly! Serch hynny, mae Paul yn falch ei fod wedi cael y profiadau gwych o wynebau'r treialon anodd, o gael ei herio ac o fod ar gyfres o raglenni ar BBC2. Pa freuddwyd sydd i'w wireddu nesaf tybed?
 | 
