Otedola bridge fire: Ọkọ̀ akẹ́rù rí ìjánu rẹ̀ já ló kọlù ọkọ̀ agbépo tó fa ìjàmbá iná ní Otedola lópópónà Lagos-Ibadan- LASEMA

Ajọ to n mojuto iṣẹlẹ pajawiri loju popo ni ipinlẹ Eko, LASEMA ti sọrọ lori ohun to ṣẹlẹ ninu ijmaba ina afara Ọtẹdọla.

Alaga ajọ naa, ọmọwe Olufemi Damilola Oke-Osanyintolu lo fi soju opo ayelujara bi ọrọ naa ṣe ṣẹlẹ.

O ni laago meji oru oni ni LASEMA gba ipe nipa ijamba ina naa lopopona Eko si Ibadan.

Leyin naa lo ni awọn Osise LASEMA dide si didẹwọ ina naa.

Ki lo fa ijamba ina naa?

Alaga ajọ LASEMA ṣalaye pe kete ti wọn de sibẹ ni wọn ri i pe ọkó akẹru to tobi to iwọn ogoji ẹsẹ bata to kun fun aṣọ oriṣiriṣi to n gbe lọ ni ijanu ọkọ rẹ ja.

Wọn ni eyi ṣẹlẹ lasiko ti ọkọ naa morile agbegbe Berger ni ijanu rẹ naa ja.

Ọkọ akẹru yii lo wa lọ kọlu ọkọ agbepo bẹntiroo oni lita ẹlẹgbẹrun metalelọgbọn.

Bi wọn ṣe kọlura wọn yii lo jẹ ki ina sọ ti o si di ijamba naa.

Ajọ LASEMA, ẹṣọ oju popo, FRSC, ati LNSC naa ti tete de ibẹ lati mojuto iṣẹlẹ naa ko ma pọ ju bẹẹ lọ.

LASEMA ni ko si ẹni to ku ninu iṣẹlẹ naa ninu eyi ti wọn ti n dari awọn ọkọ ki wọn gba ọna Ọjọta tabi 7 Up lati din sunkẹrẹ-fakẹrẹ ọkọ ku.

Wọn ni awọn ti gbe ajoku awọn ọkọ mejeeji kuro nibẹ.

Igbokegbodo ọkọ si ti n lọ bi o ti yẹ loju opopona Eko si Ibadan bayii

Saaju laarọ oni ọjọ Satide:

Ọkọ̀ agbépo méjì gbiná ní orí afárá Otedola ní ìpínlẹ̀ Eko!

Tanker explosion on Otedola bridge: Ọkọ̀ agbépo gbiná ní orí afárá Otedola!

Iroyin to n tẹ wa lọwọ ni pe ko sẹni to tii le mọ iye eeyan to ba iṣẹlẹ naa rin bayii

Ọkọ agbepo meji ti gbina lori afara Otedola ni agbegbe Berger ni ipinlẹ Eko ni idaji oni.

Laarọ kutu oni, ọjọ abamẹta, ọjọ ketadinlogun, oṣu kẹwaa ni iṣẹlẹ yii ṣẹlẹ.

Ọpọlọpọ lo ti fi si oju opo twitter wọn ohun to n ṣẹlẹ ni afara Otedola bayii

Wọn ni ọkọ agbepo mejeeji naa ni epo rọbi wa ninu wọn.

Titi di asiko yii, a ko tii le só ohun to ṣokunfa iṣẹlẹ naa ati iye awọn ti iṣẹlẹ naa kan.

A o maa mu wa fun yin ohun to ba selẹ nibẹ......

Ki lo ti kọkọ ṣẹlẹ sẹyin?

A ti yanjú ìṣẹ̀lẹ̀ ìjàmbá ọkọ̀ agbépo tó dànù lágbègbè AIT, Alagbado - LASEMA

Alagbado tanker overturned: Àjọ LASEMA láwọn ti yanjú ìṣẹ̀lẹ̀ ìjàmbá ọkọ̀ agbépo tó dànù lágbègbè AIT, Alagbado

Oludari agba ajọ LASEMA ni awọn ti di gbogbo ibi ti iṣẹlẹ yii ti waye pẹluu kiki foomu ki iṣẹlẹ naa ma tun lọ bi omii.

Iṣẹlẹ ọkọ agbepo to dawo ni agbegbe ibi ti ileeṣẹ amohunmaworan AIT wa ni Alagbado, ipinlẹ Eko ti ni iyanju bayii.Ajọ to n ri si iṣẹlẹ pajawiri nipinlẹ Eko, LASEMA lo fi atẹjade sita pe awọn ti gbe ọkọ naa to gun to iwọn ẹsẹ bata ogun le awọn ọlọpaa lọwọ ki wọn maa ba iṣẹ lorii rẹ.Oludari agba ajọ LASEMA, Ọmọwe Olufemi Oke-Osayintolu ni awọn ti di gbogbo ibi ti iṣẹlẹ yii ti waye pẹluu kiki foomu ki iṣẹlẹ naa ma tun lọ bi omii.

Awọn ileeṣẹ mii to pawọpọ pẹlu ajọ LASEMA fun aṣeyọri iṣẹ naa ko ma baa pa awọn olugbe agbegbe naa lara ni ileeṣẹ panapana ipinlẹ Eko atawọn ọlọpaa.Nibayii, ohun gbogbo ti pada bọ sipo ti igbokegbodo ọkọ si ti bẹrẹ pada.

Ẹ ṣọ́ra ní òpópónà AIT, ọkọ̀ agbépo kan ti yí dánù lọ́nà agbègbè Alagbado

Ileeṣe to n ri si iṣẹlẹ pajawiri ni ipinlẹ Eko, LASEMA, ti kede pe ọkọ agbepo kan ti yi danu lagbegbe Alagbado ni Eko.

Wọn ni nọmba ọkọ agbepo to yi danu naa ni: LSROIXX.

Ọkọ agbepo naa ni wọn ni o jẹ toni iwọn ogun ẹsẹ bata.

Ọmọwe Femi Damilola Oke-Osanyitolu to jẹ adari ajọ naa lo fi soju opo wọn.

Ajọ LASEMA ni o dabi pe awakọ agbepo naa n sare ni ko to ṣubo.

Titi di asiko ti iroyin yii n jade, epo inu rẹ ko tii maa danu si oju titi ṣugbọn LASEMA n kilọ fawọn eniyan agbegbe opopona AIT ni alagbado pe ki wọn ṣọra ṣe nibẹ.

Ati pe ki énikẹni ma ṣe da ina kankan lasiko yii nibẹ.

Ṣaaju nibẹrẹ ọsẹ yii:

Ìjàmbá ọkọ̀ akérò àti tírélà pa èèyàn mẹ́rin lọ́nà mọ́rosẹ̀ Ore sí Benin

Ore-Benin Road accident: Ìjàmbá ọkọ̀ pa èèyàn mẹ́rin lọ́nà mọ́rosẹ̀ Ore sí Benin

Ọkọ akero ẹlẹni mẹrinla to n rinrin ajo lati ilu Eko lọ si Enugu ni a gbọ pe o lọ fori sọ ọkọ tirela laarọ ọjọ Iṣẹgun.

Eeyan mẹrin lo dero ọrun ninu ijamba ọkọ to ṣẹlẹ lopopona Ọrẹ si ilu Benin ninu eyi ti awọn mẹrin miiran ti farapa.

Ọkọ akero ẹlẹni mẹrinla to n rinrin ajo lati ilu Eko lọ si Enugu ni a gbọ pe o lọ fori sọ ọkọ tirela laarọ ọjọ Iṣẹgun.

Awọn ti iṣẹlẹ naa ṣoju wọn ṣalaye pe tirela naa n lọri lọwọ ni ọkọ akero ọhun lọ kọ lu u lati ẹyin.

Oṣiṣẹ ajọ ẹṣọ oju popo, FRSC kan ṣalaye ere a-sa-ju ọkọ akero naa lo ṣokunfa ijamba ọkọ naa.

O ni ti ere rẹ ko ba pọju ni, o ṣeeṣe ki ijamba ọhun ma ṣẹlẹ.

Awọn mẹwaa lo mori bọ ninu ijamba naa nigba tawọn to farapa si n gba itọju nile iwosan.