Farting offense: Ọkùnrin yasó nínú ọkọ̀ Uber rí ẹ̀wọn he ní ilẹ̀ Gẹ̀ẹ́sí

Eleduwa ko daa akitan iso ni wọn maa n wi nilẹ ku otu o jiire. Ọrọ ko ri bẹẹ fun ọkunrin ti wọn fẹsun iwa kan kan lẹyin to yaso ninu ọkọ Uber.

Ileeṣẹ iroyin Bristol Live lorilẹede Uk fẹsun kan ọkunrin pe o yaso o si tun ṣe ikọlu fun awakọ Uber nitori pe oun fi ẹhonu han.

Agbẹjọro Anthony Bignall sọ fun ileẹjọ Bristol Crown pe iwa ti ọkunrin hu kudiẹ kaato.

Lọdun 2019 ni iṣẹlẹ ọhun ṣẹlẹ nigba ti James Mallett to n gbe ni Kingswood yaso nibi to joko si lẹyin ọkọ pẹlu awọn eeyan mẹta mii niga ti wọn n lọ si ile ijo lalẹ.

Ileẹjọ ni idunkoko mọ fun awakọ Uber naa, Aleksander Bonchev ti to gẹẹ nitori awọn ero mii naa ti ṣe ikọlu fun un lẹyin wa.

Olupẹjọ James Scutt ṣalaye fun ileẹjọ pe awakọ Uber ọhun Bonchev sọ fun Mallet pe ko kuro ninu ọkọ oun.

O ni lẹyin naa ni Mallet bẹrẹ si ni ba Bonchev ja ti o si fọwọ ba a lori.

Ti were ba sun kan ogiri, were naa yoo pada, adia fun awakọ Uber to fesi pada pẹlu ẹṣẹ loju Mallet ti o si kan an mọlẹ.

Obinrin kan to wa pẹlu Mallet ni wọn sọ pe o fa a kuro nibi tawọn mejeeji ti jọ fija pẹta.

Olupẹjọ ni Ọgbẹni Mallet tun huwa ipa si awọn agbofinro nibi iṣẹlẹ naa.

Ṣugbọn agbẹjọro Mallet sọ fun ileẹjọ pe onibara oun kii ṣe onijagidijagan.

Lẹyin ọ rẹyin, ileẹjọ dajọ ẹwọn oṣu mẹfa fun Mallet pẹlu iṣẹ ilu fun ọjọ diẹ.

Iṣẹlẹ naa si tun mu awakọ Uber naa padanu iṣẹ rẹ lẹyin ti ko le lọ sibi iṣẹ nitori o farapa nibi iṣẹlẹ naa.