Frank Mba, Mohammed Gumel àti àwọn míì tó ṣéésé kí wọn fípò silẹ̀ nítorí Tunji Disu, adelé ọ̀gá Ọlọ́pàá tuntun ní Nàìjíríà

Aarẹ Bola Tinubu, lọjọ Iṣẹgun yan Tunji Disu gẹgẹ bii adele ọga ọlọpaa Naijiria tuntun lẹyin ti Kayode Egbetokun kọwe fi ipo silẹ.

Oludamọran Aarẹ Bola Tinubu lori eto iroyin, Bayo Onanuga, lo fidi ọrọ naa mulẹ ninu atẹjade to fi sita.

Onanuga ṣalaye pe Tinubu yan Disu gẹgẹ bi adele ọga ọlọpaa Naijiria tuntun lẹyin ti Egbetokun kọwe fipo silẹ, igbesẹ to ni oun gbe nitori ẹbi oun.

Aarẹ Tinubu tẹwọ gba igbesẹ Egbetokun lati kọwe fipo silẹ, lẹyin to sọ pe nitori ẹbi oun loun fi ṣe bẹẹ.

Disu ti wa ni ipo igbakeji ọga ọlọpaa Naijiria fun bi igba kan ṣaaju tẹlẹ, ki o to de ipo ọga agba ọlọpaa.

Ni orilẹede Naijiria, ko ki n ṣe nnkan tuntun ni ẹka ileeṣẹ ọlọpaa, awọn ọga ma n fi iṣẹ silẹ tabi ki wọn fẹyinti kete ti wọn ba yan ẹni to kere si wọn gẹgẹ bii ọga fun ileeṣẹ ọlọpaa.

A ṣe akọsilẹ awọn ọga DIGs ti wọn yoo nilo lati kuro fun Tunji Disu lati di ọga agba fun ileeṣẹ ọlọpaa.

Frank Mba bẹrẹ irinajo rẹ ninu iṣẹ ọlọpaa gẹgẹ bi insipẹtọ, to si n gun oke si. Ni ọdun 1999, wọn fikun ipo rẹ, to si bọ Assistant Superintendent, to si tun bọ si Deputy Superintendent ni ọdun 2003.

Ni ọdun 2014, o di igbakeji fun kọmisana ọlọpaa, to si di kọmisana fun ileeṣẹ ọlọpaa ni oṣu kejila ọdun 2020. Ni oṣu kẹta ọdun 2023, o tun bọ si ipo igba keji ọga agba fun ileeṣẹ ọlọpaa

Mohammed Gumel bẹrẹ iṣẹ gẹgẹ bii 4th igbakeji insipẹko ọga agba ọlọpaa ni olu ileeṣẹ niluu Abuja ni ọdun to kọja.

Adebola Hamzat wa lati ijọba ibilẹ Ifelodun nipinlẹ Kwara, fi igba kan jẹ kọmisana fun ileeṣẹ ọlọpaa nipinlẹ Oyo, to si w ani ipo DIG lọwọ bayii.

Ọga agba ni Yakuba Abubaker to di ẹka eto isuna mu ni ileeṣẹ ọlọpaa niluu Abuja.

Ti a ba n sọ nipa owo ati mimojuto awọn oṣiṣẹ, ẹka yii ni Abubakar di mu pupọ.

Basil Idegwu jẹ onimọ to kẹkọ gba oye PhD ni ẹka alaafia ati eto aabo, to si jẹ ọga fun ẹka ileeṣẹ ọlọpaa to n pe fun alaafia.

Awọn yooku ni Bzigu Kwazhi, Idris Abubakar ati Adebowale William

Wo awọn ọga ọlọpaa ti Naijiria ti ni lati ọdun 1999.

IGP Musiliu Smith (1999–2002), lati ipinlẹ Eko

IGP Mustafa Adebayo Balogun (2002 – 2005), lati ipinlẹ Osun

IGP Sunday Ehindero (2005–2007), lati ipinlẹ Ondo

IGP Mike Mbama Okiro (2007–2009), lati ipinlẹ Imo

IGP Ogbonna Okechukwu Onovo (2009 - 2010), lati ipinlẹ Enugu.

IGP Hafiz Ringim (2010 - 2012), lati ipinlẹ Jigawa,

IGP Mohammed DIKKO Abubarkar (2012 - 2014), lati ipinlẹ Sokoto

IGP Suleiman Abba (2014 -2015), lati ipinlẹ Jigawa

IGP Solomon E. Arase (2015 - 2016), lati ipinlẹ Edo

IGP Ibrahim Kpotun Idris (2016-2019), lati Niger

IGP Mohammed Abubakar Adamu (2019-2021) lati ipinlẹ Nasarawa

IGP Usman Alkali Baba (2021-2023), lati ipinlẹ Yobe state

IGP Kayode Egbetokun, lati ipinlẹ Ogun state