Cardi B leaked video: Cardi B ṣàlàyé ohun tó gbé fọ́tò ìhòhò rẹ̀ d'órí ayélujára Instagram

Onkọrin, ọmọ ilẹ America, Cardi B ti fesi lẹyin to ṣe e ṣi fi fọto ihoho rẹ sori ayelujara Instagram rẹ.

Akọrin takasufe naa to ṣe ayẹyẹ ọjọ ibi ọdun mejidinlọgbọn rẹ lọjọ Aiku, ọjọ kọkanla, oṣu Kẹwaa, sare lati yọ fọto naa kuro lori ayelujara.

Ṣugbọn ẹpa ko boro mọ, nitori pe nigba ti yoo fi yi oju foonu rẹ pada si ibi to yẹ, fọto naa ti lọ sori Instagram, awọn ololufẹ rẹ to ju miliọnu mẹrindinlọgọrin lọ, si ti ri ihoho rẹ.

Niṣe ni Cardi B sare pa fọto naa rẹ, to si gba pe oun ṣe aṣiṣe.

Lẹyin naa lo sọ pe oun ko ni i gbe ẹnikẹni lọ sile ẹjọ lori fidio ihoho naa, nitori pe ọwọ oun ni aṣiṣe naa ti wa.

Bakan naa lo ni oun ko ni tori rẹ bara jẹ.

Ko tan sibẹ o, akọrin takasufe naa ṣalaye pe oun ati ọkọ oun, Offset, lo jọ n ya fọto nigba ti oun ṣe e ṣi tẹ bọtini miran, to si gbe e lọ sori ayelujara Instagram.

O gbiyanju lati yara pa foonu naa lati da fọto naa duro, ṣugbọn o ti pẹ ju.

Yoruba bọ, wọn ni isọrọ nigbesi. Cardi tun fun ẹnikan to gbiyanju lati bu ẹnu atẹ lu irisi rẹ ninu fọto naa, l'esi pe "ori ọyan mi tobi, nitori pe mo fun ọmọ mi, Kulture l'ọmu fun oṣu mẹta".

Awọn ololufẹ Cardi B si ti bẹrẹ si ni i ṣe atilẹyin fun un lẹyin iṣẹlẹ naa.

Awọn kan ti ẹ tun n fi fọto ihoho wọn sita pẹlu #BoobsOutForCardi.