Bu'r haf yma yn gyfnod prysur iawn iddo fel perfformiwr a beirniad.

Ym mis Mai, bu'n beirniadu yng Ngŵyl Biano William Mathias a gynhaliwyd yn y Galeri yng Nghaernarfon.

Yna, bu ar daith i wlad Groeg gan gyflwyno datganiadau fel unawdydd piano.

Mae newydd ddychwelyd o Ffrainc lle bu'n cyflwyno datganiadau yng Ngŵyl St Remy¬de-Provence.

Ym mis Medi, bydd yn cymryd rhan yng Ngŵyl Gerddorol Schubert yn Chelsea, Llundain.

Mae Gareth yn aelod o Bedwarawd Caledonian gan weithio'n gyson gyda'r clarinetydd Sarah Williamson.

Ym mis Hydref, bydd yn teithio Gogledd Cymru fel aelod o Ensemble Cymru.