| Llwyddodd Joe i ennill y Fedal Agored Amatur ym mis Awst, 36 twll Tlws Craig y Don ym Mhorthmadog. Mae Joe yn aelod o Glwb Golff Royal St David's, Harlech. Mae hefyd wedi ei ddewis i chwarae i hogiau Gogledd Cymru o dan 16 a chael ei hyfforddi gan Undeb Golffio Cymru ym Mharc Carden. Heblaw am y bêl golff mae Joe yn bêl-droediwr dawnus hefyd, yn chwarae i Academi Pêl-droed Caernarfon ac wedi teithio ledled Gogledd Lloegr i chwarae yn erbyn Bury, Tranmere, Macclesfield a mwy, yn ogystal a thîm lleol Harlech o dan 16. Mae Joe yn ddisgybl yn Ysgol Ardudwy, Harlech, ac ar ei flwyddyn olaf ac rydym yn ei longyfarch ar ei lwyddiant. Pob lwc i ti, Joe, ac edrychwn ymlaen am weld dy hanes yn y dyfodol.
 | 
