| Mae'r criw ifanc, sy'n hanu o ysgolion uwchradd Ardudwy, Moelwyn ac Eifionydd, yn cyfarfod deirgwaith yr wythnos i drafod, paratoi ac ymarfer cynhyrchiad newydd sbon.
"Sut fedrai actio bod yn flodyn?", "Os dwi'n gath, sut fath o symudiadau a stumiau cathaidd fedra'i neud?"
"Rhaid i lais Genau Goeg fod yn llysnafeddog a mwdlyd" - dyma'r math o gwestiynau a sylwadau a
ystyrir yn gwb1 normal a naturiol yn ystod yr ymarferion!
Yn y gweithdai a gynhaliwyd ers mis Medi diwethaf, bu'r bobl ifanc yn datblygu eu sgiliau perfformio yn ogystal â chynnig a rhannu eu syniadau am themâu a chymeriadau. Felly, ffrwyth llafur y cydweithio cyson fu rhwng Carys, Mair a'r bobl ifanc yw Genau Goeg.
Yn ogystal â'r criw o ddeugain fydd yn perfformio ar y llwyfan, mae tîm o bobl ifanc ac oedolion yr ardal yn cynorthwyo ac yn gweithio tu ôl i'r llenni ar agweddau angenrheidiol eraill sydd eu hangen i lwyfannu cynhyrchiad, fel y gwisgoedd, set a chelfi, cerddoriaeth ac agweddau technegol.
Felly dewch i gefnogi ieuenctid yr ardal drwy ddod i weld y criw dawnus a brwdfrydig yn perfformio ar lwyfan Theatr Ardudwy, yn sicr, mae gwledd yn eich aros.
Llwyfennir cynhyrchiad yn Theatr Ardudwy ar y 1af, yr 2il a'r 3ydd o Fawrth. Cysylltwch â'r Swyddfa Docynnau ar (01766) 780667 i archebu eich tocynnau.
 | 
