Ac mae'n un prin iawn - un o'r rhai mwyaf prin drwy Ewrop gyfan, sef Britheg y Gors [Eurodryas Aurinia].

Trwy gymorth y Cyngor Cefn Gwlad gosodwyd ffensys i amddiffyn y glöyn arbennig hwn. Mae'n hoffi llefydd tamp neu weirgloddiau asid, sef yr union fath o dir sydd ar y fferm arbennig hon.

Bu myfyrwyr o Glynllifon yno'n ddiweddar yn plannu glaswenwyn [devil's bit scabious], sef prif fwyd y glöyn byw. Tyfwyd rhain o had a gasglwyd y llynedd.

Mae Arawn Jones, y perchennog, wrth ei fodd efo'r datblygiad gan ei fod yn naturiaethwr brwd ei hunan.

Mae ganddo gofnodion tywydd yn dyddio'n ôl i ddiwedd y 40au. Bu'n ffermio yma ers dros 60 mlynedd ac mae'r glöyn byw yma o hyd. Hyderwn y pery felly!