Mae'n bwysig sicrhau eich bod yn weledol i yrwyr ceir pan ydych chi'n croesi'r ffordd ar droed neu wrth deithio ar feic.

Dyna oedd prif neges y gystadleuaeth Bod yn Amlwg, Bod yn Ddiogel a gynhaliwyd ar wefan Carys Ofalus, www.carvsofalus.net.

"Cafwyd ymateb arbennig gan blant ar hyd a lled Gwynedd, a diolch iddynt i gyd am gymryd rhan," meddai Mai Jones o Dim Diogelwch y Ffyrdd Cyngor Gwynedd.

"Roedd y cystadlaethau amrywiol ar gyfer yr oedrannau yn amrywiol ond y byrdwn clir oedd bod gwisgo dillad llachar ac adlewyrchol yn bwysig iawn wrth groesi'r ffordd."

Derbyniodd disgyblion cynradd y sir strap arddwrn adlewyrchol a fflwroleuol i gyd fynd a'r gystadleuaeth, a chynhaliwyd seremoni wobrwyo yn Y Ganolfan ym Mhorthmadog, lle daeth y plant i gasglu eu gwobrwyon. Llongyfarchiadau mawr iddynt i gyd.