| Bu'r Wyl yn cael ei chynnal yng nghanol gwaith sydd yn digwydd yn y Ganolfan. Cafwyd cydweithrediad da iawn rhwng y pwyllgor a gweithwyr Jamie Brooks, a phawb yn fodlon gyda pheth anhawster, gan fod yr adeilad yn gwella bob dydd. Pleser oedd cael ein llywydd newydd Joan Wyn Hughes i agor yr wythnos, a noson o fiwsig Ivor Novello yn dilyn. Wedi hynny roedd noson Elizabeth Ellis, gydag Iwan Parry a John Eifion yn swyno'r gynulleidfa gyda'u canu a'u hiwmor. Bron dros nos, daeth clwb Bermo Arts ymlaen i wneud noson liwgar ar y nos Fercher. Yr un diwrnod yr oedd Cinio'r Wyl yn Bae Abermaw, a'r siaradwr Siôn Llwyd Hughes yn rhoi cipolwg inni ar ddyfodol y celfyddydau yng Ngogledd Cymru. Mae Siôn yn wr i Sally, Cadel Betti a'r ddau yn byw yn Llangollen. Bore dydd Iau yr oedd Sefydliad y Merched yn dangos eu crefftwaith gyda phaned a sgonsen edmygwyd y gwaith yn fawr. Enillwyd y raffl gan Betty Morris, Gretta Jones, Lorraine Stockford a Lyn Gardner. Yn hwyrach ddydd Iau, noson o jazz oedd yn y theatr gan rai o sêr adnabyddus o Lundain. Ar y nos Sadwrn daeth y nifer fwyaf i fewn i'r Theatr i wrando ar Honor Blackman yn portreadu nifer o ferched enwog. Diolch i bawb a fu'n cefnogi'r pwyllgor gweithgar, ac yn enwedig y busnesau lleol am eu cefnogaeth ariannol.
 | 
