Yomi Fabiyi kési àwọn olólùfẹ́ òtítọ́ láti jáde fún ìwọ́de fún Baba Ijẹsha ni Panti

Yomi Fabiyi ko ti i dakẹ lori ipinnu rẹ ja fitafita fun itusilẹ akẹgbẹ rẹ, Baba Ijẹsha kuro ni ahamọ ọlọpaa.

Ninu ọrọ to tun kọ si oju opo Instagram rẹ ni ọjọ Aje, Fabiyi sọ pe oun ko ni i duro de ẹnikẹni ki oun to o bẹrẹ iwọde ti oun kede.

Fabiyi to fi ibinu han ninu ọrọ naa sọ pe inu n bi oun nitori pe ọrọ Baba Ijẹsha kan oun.

O ni ọkunrin kan bi i igba ni oun.

"Ẹnikẹni to ba mọ pe ọrọ yii kan oun, to si nifẹ lati ṣe atilẹyin fun nkan to tọ, le darapọ mọ mi.

"Ti o ba si lero pe nkan to tọ ni fifi eeyan si atimọle lọna ti ko ba ofin mu, tabi o ro pe ko le kan ọ, ọmọ, baba tabi iya rẹ, ma gbiyanju lati darapọ."

Bakan naa ni Ọgbẹni Fabiyi kilọ fun awọn oṣiṣẹ ilu ati awọn olori ti ìbò gbe wọle, lati ma jẹ ki ifẹ inu wọn tabi eero ọkan wọn nipa nkan to ṣẹlẹ, ṣe idiwọ fun iṣẹ wọn tabi ofin ilu.

Fabiyi ni asiko ti nkan to dara ba ṣẹlẹ ni Naijiria ma n fi ara rẹ we America, ṣugbọn to ba ti nii ṣe pẹlu ẹtọ ọmọniyan, 'a ko gbọdọ fi Naijiria we America rara.

"Ẹ jẹ ki ofin ko ṣe iṣẹ rẹ, ko si daabo bo ẹtọ gbogbo eniyan."

Fabiyi tun fi kun ọrọ rẹ pe lootọ ni awọn oṣiṣẹ ile ẹjọ wa ni iyanṣẹlodi, amọ ṣe atimọle ni Baba Ijẹsha yoo wa , koda ti iyanṣẹlodi naa ba pe ọdun kan?

Àyànmọ́ ló mú mi pàdé Princess, èrò wa jọra wọn- Iyabo Ojo

Gbajugbaja oṣere ori itage Yoruba, Iyabo Ojo ti sọ oriṣiiriṣii ọrọ iwuri nipa adẹrinpoṣonu, Damilola Adekoya ti ọpọ mọ si Princess.

Iyabo wa lara awọn to n ja fita fita lati rii pe akẹgbẹ rẹ ninu ere tiata, Olarenwaju James ti awọn eeyan mọ si Baba Ijesha foju wina ofin lori ẹsun ifipabanilopọ ti wọn kan an.

Laipẹ yii iroyin kan jade ninu eyi ti wọn ti fẹsun kan Baba Ijesha o fi ipa ba ọmọbinrin Princess lopọ.

Ṣugbọn lọjọ ibi Princess, Iyabo ki i ni mẹsan an mẹwaa loju opo Instagram rẹ.

O ni anfaani lo jẹ fun oun lati ba Princess pade ati lati mọ ọ sii daadaa.

Iyabo ni obinrin to ṣe e fi yangan ni adẹrinpoṣonu Princess, ati wi pe ayanmọ lo mu ki awọn mejeeji pade ara awọn.

''Ero wa jọ ara wọn, bakan ni a jọ nifẹ awọn ọmọde.

Mo mọ pe asiko to lagbara ni asiko jẹ fun ọ, ṣugbọn mo rọ ẹ pe ki o pakiti mọri.

Laipẹ lai jina, gbogbo rẹ ni yoo di afisẹyin ti egun n fi aṣọ,'' Iyabo lo sọ bẹẹ.

Iyabo ni ''mo nifẹ rẹ gan an ọrẹ mi atata. Isu ọmọ a jina fun wa je.''