Yoruba artists: Ṣé Yomi Fabiyi ti rí ìfẹ́ míràn ni lẹ́yìn tó kọ ìyàwó rẹ̀ òyìnbó tẹ́lẹ̀ sílẹ̀?

Oriṣiiriṣii nkan lo ṣẹlẹ lagbo awọn oṣere tiata Yoruba lọsẹ yii.

Lara awọn nkan to ṣẹlẹ lagbo oṣere yii, meji lami laaka ninu wọn.

Wọnyii ni awọn oriṣiiriṣii to ṣẹlẹ lagbo awọn osẹre tiata lọsẹ yii.

Yomi Fabiyi

Ṣe ẹ mọ pe ọrọ ifẹ bi adanwo ni. Fidio kan ti gbajugbaja oṣere tiata, Yomi Fabiyi fi sita ti jẹ ki awọn eeyan maa beere ibeere.

Fidio naa ṣe afihan rẹ pẹlu orekelẹwa obinrin kan nibi ti awọn mejeeji ti n fẹnu ko ara wọn lẹnu.

Ọgbẹni Fabiyi gan an kọ awọn ọrọ ifẹ sori fidio naa loju opo Instagram rẹ.

Fabiyi ni ''ti mo ba nifẹ rẹ, mo gbọdọ fẹnu ko ẹ ni ẹrẹkẹ. Ọrọ ifẹ maa n sọ mi di alailagbara".

Yomi tun sọrọ lori fido mii to fi soju opo Instagram rẹ pe oun ati ọrẹbinrin oun n lọ si gbọngan idaraya.

O tun sọ lori fidio naa pe pe kawọn eeyan wo oluranlọwọ oun, eyun-un ni ọmọ pupa roboto kan to wa lẹgbẹ rẹ ninu mọto.

Ẹwẹ, ọpọ awọn akẹgbẹ re lo n ki ku oriire igbeyawo bo tilẹ jẹ pe ko sọ fun ẹnikan pe o ti ṣe igbeyawo.

Fabiyi kede lori ayelujara lọdun 2016 pe oun ti kọ iyawo oun oyinbo ọmọ ilẹ Gẹẹsi, Fran silẹ.

Iya Awero

Iya Awero fẹ́rẹ̀ẹ́ bú sẹ́kún níbí tó ti tẹ́wọ́ gba ẹ̀bùn ilé tuntun

Gbajugbaja oṣere fiimu Yoruba, Lanre Hassan ti ọpọlọpọ mọ si Mama Awero di onile lairo tẹlẹ.

Bawo lo ti ṣẹlẹ? Gomina Babajide Sanwo-Olu ipinlẹ Eko lo fi ile oniyara mẹta ta Iya Awero lọrẹ.

Arabinrin Hassan fi idunu rẹ han si gomina ipinlẹ Eko pẹlu oriṣiiriṣii ọrọ iwuri.

"Mi o mọ ohun ti mo le sọ, o ṣi n ya mi lẹnu ṣugbọn inu mi dun lonii, mi o ni le sọ pupọ. Mo dupẹ pupọ lọwọ yin gomina mi".

Bayii ni Iya Awero ṣe fi idunnu rẹ han si Gomina Sanwo-Olu.

Adebimpe Oyebade

Ilumọọka oṣerebinrin Adebimpe Oyebade ṣe ọjọ ibi, ori ayelujara mi titi.

O ni oun fẹ maa jẹ ẹni to n fi ipo adari to dara han siwaju sii bi oun ṣe n ṣe latẹyin wa.

Mo_bimpe fi ọrọ dupẹ fun bi awọn ololufẹ rẹ ṣe tu yaya lati ki i ku ọjọ ibi rẹ.

"Ori itage mi ni ile aye yii jẹ mo si ti fi gbogbo ipa mi ko ipa gidi latyin wa. Mo gbadura lati tẹsiwaju ninu ṣiṣe afihan ipo ẹni nla to n dari siwaju sii".

Bakan naa ni akẹgbẹ rẹ ti ọpọ maa n pe ni ọkọ rẹ, Lateef Adedimeji ṣe tẹ ẹ si rẹpẹtẹ.

Niṣe lo n ki i ni mẹsan an mẹwaa.

Femi Adebayo Salami

Gbajugbaja oṣere tiata, Femi Adebayo Salami ṣe iranti igba ti o lẹpọ pẹlu baba rẹ Adebayo Salami lagbo ogege ṣiṣe.

Asọ aran to ṣiṣẹ si lọrun ni Femi wọn ninu fọto ti oun ati baba rẹ wa ninu rẹ wọ.

Ọgbẹ Salami gan an fun ra rẹ ro dẹdẹ, bẹẹ lo kan dudu ninu aṣọ oke alanbara to wọ pẹlu ọpọ lọwọ.

Lai ṣe ani-ani, awọn mejeeji rẹwa lọkunrin ninu aṣọ ti wọn wọ.