Ar ddydd lau 14eg Gorffennaf yn Siambr y Cyngor Tredomen, cynhaliwyd y 4ydd Seremoni Gwobrwyo Dysgwyr Cymraeg i gydnabod gwaith caled a chyraeddiadau'r holl staff sydd wedi ymgymryd â Chyrsiau Iaith Gymraeg yn ystod y flwyddyn academaidd 2004-5.
Yn gyfan gwbl cofrestrwyd 103 o staff y Cyngor a 10 aelod o staff Bwrdd Iechyd Lleol Caerffili ac Ymddiriedolaeth GIG Gofal Iechyd Gwent ar amrywiaeth o Gyrsiau Iaith Gymraeg yn ystod y flwyddyn academaidd. Roedd 60 o'r rhain yn parhau i ddysgu a 53 yn ddysgwyr newydd. Y siaradwyr gwadd oedd Lowri Pugh o Fenter laith Caerffili, Pierre BernhardGrout un o ddysgwyr Cymraeg profiadol y Cyngor, a Nia Parry, Cyflwynydd Teledu, o raglenni fel 'Welsh in a Week', a hi wnaeth gyflwyno'r tystysgrifau i'r dysgwyr. Siaradodd y tri ohonynt am eu meysydd gwaith ac am sut mae nhw i gyd yn chwarae rôl bwysig i sicrhau bod y cyrsiau iaith Gymraeg sy'n cael eu cynnig i'r staff yn parhau i fod yn llwyddiannus. Roedd y Dirprwy Faer, Cyng. Liz Aldworth a'r Dirprwy Arweinyddion, Cyng. David Hardacre a Cyng. Gerald Jones yn bresennol yn y Seremoni. Yn dilyn y Seremoni, cafodd bwffe ei gynnig i bawb a thynnwyd lluniau o bob dosbarth i gofnodi'r achlysur.
Anwen Rees
Cydlynydd Hyfforddiant Iaith Gymraeg Cyngor Bwrdeistref Sirol Caerffili
 | 
