Mae'r ysgol wych newydd, a fydd hefyd yn cynnwys adain er defnydd y gymuned ehangach, bron yn barod.

Mae ystyriaeth amgylcheddol wedi bod yn rhan bwysig yn y datblygiad. Mae Ecolegwyr wedi'u hapwyntio gyda chymorth gan y SDC i gynghori'r cyngor a'i gontractwr ar sut i reoli a lleihau'r effeithiau y mae'r gwaith yn eu cael ar ecoleg y safle.

Un enghraifft o hyn oedd dal ymlusgiad a wnaed yn ddiweddar i ddiogelu slorymod a chreaduriaid eraill a effeir. Gosodwyd trapiau arbennig ac fe symudwyd yr ymlusgiad i gynefinoedd newydd ble gallant fyw heb unrhyw ymyrraeth.

Mae'r adain ysgol a chymunedol yn rhan o brosiect adfywio ehangach a fydd yn helpu rhoi anadl newydd i Dredegar Newydd. Mae cyngor bwrdeistref sirol Caerffili, ynghyd â Phartneriaeth Gymunedol Tredegar Newydd a sefydliadau amrywiol eraill yn y sectorau preifat a chyhoeddus, yn ymgymryd â phrosiect adfywio cymunedol £18.5 miliwn, sydd yn cynnwys amrywiaeth o gynlluniau cysylltiedig megis:

• Adeiladu Ysgol Gynradd ac Adain Gymunedol newydd.


• Adeiladu ffordd newydd.


• Datblygu parc busnes bach gydag unedau deoryddion newydd.


• Gwaith tirwedd a gwelliannau amgylcheddol cysylltiedig.

"Mae'r cynllun adfywio blaengar hwn yn arwain y ffordd yng Nghymru ac rydym yn awyddus i sicrhau fod y camau priodol yn cael eu cymryd i leihau effeithiau amgylcheddol ac i hyrwyddo cynaladwyedd," dywedodd Colin Jones, Rheolwr y Prosiect. "Mae gwir ddatblygiad yn cael ei wneud ar y safle ac rydym am gyrraedd ein targed i agor yr ysgol ym mis Medi. Fe fydd y ffocws wedyn ar gynlluniau amrywiol eraill sydd yn helpu trawsnewid y pentref."

(Codwyd yr erthygl hon oddi ar safle we'r Bwrdeistref Sirol - ceir llawer o wybodaeth ddefnyddiol yno yn Gymraeg. Beth am ymweld â hi - Gol)