| Mae'r ddrama yn portreadu hynt a helynt 'Unwin's Undies', sef cwmni dillad isaf sy'n mynd i drafferthion ariannol. Mr Unwin (Denzil John), ymgorfforiad o sofenistiaeth ar ei waethaf, sy'n cael ei fychanu yn y diwedd, a hynny dan gynllwyn ei staff sef Debra (Nia Parsons), Muriel, (Ann Lewis), Dewi (Gareth Williams) a Robert (Ben Jones). Mae Mrs Unwin (Ellen Barrar) yn ymddangos cyn y diwedd, ac mae Fred Simpson (Fred Brooks) yn cyfrannu at ddoniolwch y cyfan. Cyfarwyddwr y perfformiad yw Allan Cook gyda Peter Davies yn gyfrifol am y gwaith sain a'r goleuo. Mary Jones fu'n gyfrifol am y dylunio gyda Fred Brooks yn gyfrifol am adeiladu a chludo'r set. Roedd disgwyl i'r cwmni gyflwyno'r ffars yn Theatr y Maes yn yr Eisteddfod Genedlaethol ar y prynhawn Sadwrn olaf am 3.00pm ac mae'n debygol y bydd y cwmni yn ei chyflwyno yn ystod tymor yr Hydref mewn canolfannau eraill yn y de ddwyrain. Pe bai digon o alw, efallai y gellir perswadio'r cwmni ei chwarae eto yn Nhonyfelin. Dymuna'r cwmni ddiolch i weinidog ac aelodau Eglwys Tonyfelin am eu cefnogaeth barod a gwerthfawr drwy ganiatáu defnydd o'r festri gefn, lleoliad llawer o gyflwyniadau dramatig dros y degawdau.
 | 
