Fani Kayode defects to APC: Sheikh Gumi ní Judasi ìran Yorùbá ni Fani-Kayode

Ọpọ eeyan papaa julọ lagbo oṣelu lo n ti n bẹnu ẹtẹ lu eekan oṣelu, Oloye Femi Fani-Kayode lori bi o ti fi ẹgbẹ oṣelu PDP lọ darapọ mọ APC ni Ọjọbọ.

Koda awọn onimọ nipa ẹsin gan an ko gbẹyin ninu awọn to koro oju si igbesẹ Fani-Kayode.

Ọkan lara awọn eeyan bẹẹ ni onimọ nipa ẹsin musulumi, Sheikh Ahmad Abubakar Gumi.

Gumi ni Judasi iran Oduduwa ni Fani-Kayode pẹlu igbesẹ rẹ to mu fi ẹgbẹ oṣelu PDP silẹ lọ APC.

Aarẹ Muhammadu Buhari fun ra rẹ lo tẹwọ gba Fani-kayode nile iṣẹ ijọba niluu Abuja ni Ọjọbọ.

Sheikh Gumi ṣalaye pe Fani-Kayode ko ọrọ to sọ lọdun 2018 jẹ lẹyin to sọ nigba naa pe o san ki oun ku ju ki oun darapọ mọ ẹgbẹ APC tabi tẹ fun Buhari lọ.

Gumi ni oun ko ka ọrọ Fani-Kayode kun mọ tipẹ tori oun mọ pe ọdalẹ eeyan ni.

Gumi fọrọ yii lede loju opo Facebook rẹ lẹyin ti Fani-Kayode darapọ mọ APC tan l'Abuja.

Ẹ̀mí Ọlọ́run ló darí mi láti darapọ̀ mọ́ ẹgbẹ́ òṣèlú APC - Femi Fani-Kayode

Minisita eto irina ofurufu tẹlẹ lorilẹede Naijiria, Femi Fani-Kayode ti pada darapọ mọ ẹgbẹ oṣelu to n jọba lọwọlọwọ, All Progressives Congress.

Alaga igbimọ majẹobajẹ ẹgbẹ APC ati gomina ipinlẹ Yobe, Mail Mala Buni lo faa le aarẹ Buhari lọwọ l'Ọjọ Isegun, ọjọ kẹrindinlogun oṣu kẹsa nile aarẹ l'Abuja.

Ikede naa n jade lẹyin oṣu bii melo kan to sabẹwo ati ipade pẹlu awọn gomina ẹgbẹ oṣelu APC kan.

"Lonii nile ijọba ni Avuja, eeyan kan wa darapọ mọ ẹgb oṣelu APC. Aarẹ to jẹ ololufẹ gbogbogbo si ti tẹwọ gbaa tọwọ-tẹsẹ. Nitoripe, bi Buhari ṣe ri lẹ ri yẹn". Eyi ni oluranlọwọ aarẹ, Tolu Ogunlesi fi sita.

Ẹwẹ, oloye ẹgbẹ oṣelu Peoples Democratic Party tẹlẹ yii sọ pe "ẹmi Ọlọrun" lo dari oun lati ṣepinnu lilọ darapọ mọ ẹgbẹ to wa lori alefa.

Minisita tẹlẹ yii ni oun yoo ṣeranwọ lati kọ orilẹede Naijiria.

Ṣaalu nigba kan sẹyin ni FFK gẹgẹ bi inagijẹ́ rẹ bu ẹnu atẹ lu iroyin to fo kiri pe o ti darapọ mọ APC lẹyin ti aworan to ya pẹlu awọn gomina APC bọ sori ayelujara.

Wo àwọn ọ̀rọ̀ to gbankọgbì tí Femi Fani-Kayode ti sọ syin nípa APC

Ki Ọgbẹni Fani-Kayode to lọ darapọ mọ ẹgbẹ oṣelu APC, o jẹ gbajumọ alatako si ijọba ati ẹgbẹ oṣelu APC.

Ẹ wo lara awọn oko ọrọ to ti sọ nipa ẹgbẹ oṣelu naa tẹ́lẹ́:

Lakọkọ o ni irọ nla gbaa ni pe wọn ni oun darapọ mọ ẹgbẹ oṣelu APC to si ni o san ki oun ku ju ki oun darapọ mọ awọn oloorun lọ.

Femi Fani Kayode tun pe APC ni mujẹ-mujẹ, ẹni ègún, olubaṣe Boko Haram, Fulani Daradaran, apaayan lọwọọwọ, a pa iran rẹ, onija ẹsin, ololufẹ maalu, ole, atu ilu ka ati bẹẹ bẹẹ lọ ninu aduru ọrọ to sọ.

Báwo làwọn ọmọ Nàìjíríà ṣe fèsì?

Ọpọlọpọ ọmọ Naijiria lo n fi ero ọkan wọn han lori ayelujara nipa bi FFK ṣe darapọ mọ ẹgbẹ oṣelu APC.

Bi o ṣe n ya awọn kan lẹnu pe ki lo sun un de 'bẹ gan lati darapọ mọ ẹgbẹ ti ẹkẹ eebu rẹ kii ṣi lara wọn, lawọn mii n beere pe talo kan ti yoo tun kuro ni ẹgbẹ alatako, PDP.

Ọkùnrin tó lẹ ''Super Glue'' mọ́ ǹkan ọkùnrin rẹ̀ láti rọ́pò ''condom'' ti dèrò ọ̀run

Wo iye ìgbà tí bàálù ìjagun ti já tó sì ṣekú pa àwọn ènìyàn ní Nàìjíríà

''APC yóò fún Goodluck Jonathan ní ànfàní láti dupò ààrẹ lọ́dún 2023 tó bá darapọ̀ mọ́ wa''

''Ìjọba, ẹ má da àwa tó ń ṣagbátẹrù Yorùbá Nation pọ̀ mọ́ IPOB''

Mi ò sọ pé àwọn tó ń pè fún Yorùbá Nation kò yàtọ̀ sí Boko Haram o- Gbajabiamila ṣàlàyé