Smuggled vehicles: Àjọ aṣóbodè kìlọ̀ fáwọn iléeṣẹ́ ìjọba láti dẹ́kun ríra ọkọ̀ tòkunbọ̀ fàyàwọ́

Ajọ aṣọbode, Nigeria Customs Service (NCS) ti kilọ fawọn ọmọ ile igbimọ aṣoju-ṣofin pe ọpọ awọn ọkọ ''escort'' ti wọn lo ni ileeṣẹ ijọba lo jẹ ọkọ fayawọ.

Igbakeji ọga agba ajọ aṣọbode ni Naijiria, Aliyu Saidu lo ṣalaye ọrọ yii.

''O ṣeni laanu pe awọn eeyan pataki lo n lo ọkọ Hilux tawín oni fayawọ gbe wọ Naijiria.

Ti ẹ ba wo ori ẹrọ kọmputa wa, ko si akọsilẹ ọkọ Hilux dabi alara ninu akọsilẹ wa.

Ṣugbọn ọkọ Hilux yii pọ yanturu ni igboro eyi to tumọ si pe awọn eeyan ko maa ra awọn ọkọ naa nipasẹ ajọ aṣọbode mọ.

Ọpọ owo to yẹ ki awọn eeyan maa san fun ijọba lori awọn ọkọ yii ni wọn ko san.

Eleyii tumọ si pe wọn ja ijọba lole ni.

Mo fẹ sọ fawọn ọmọ Naijiria pe Aarẹ Muhammadu Buhari nikan lo lagbara lati maa sanwo ori ọkọ lati oke okun wọ Naijiria,'' Saidu ṣalaye.

Igbakeji ọga agba ajọ aṣọbode ni Naijiria ile aṣofin lati gbe ofin kalẹ ti yoo mu ni dandan fawọn eeyan lati maa gba iwe ọkọ ti wọn fẹ ra ki wọn to raa.